Shpallja sot e thirrjet per shoqatat sportive per te dorezuar projektet e tyre per mbeshtetje financiare prane Bashkise Shkoder, padyshim qe eshte nje lajm i mire per sportin e qytetit tone. Kjo sepse ai thuajse i gjithi mbahet me fondet e ketij institucioni, pavaresisht se disa prej ekipeve kane edhe “presidente” ne rradhet e tyre.
Po cila eshte shuma qe do te shperndahet? Behet fjale per nje 440 milione leke te vjetra, shume kjo e cila eshte miratuar ne buxhetin e Bashkise Shkoder per vitin 2025 dhe tashme ai do te ndahet sipas disiplinave sportive. Sa do te perfitojne ato?
Gazeta meson se dy sportet te cilat do te marrin me shume leke nga ky fond jane ato te basketbollit dhe volejbollit. Secili prej tyre do te perfitoje nga nje shume prej 106 milione lekesh. Ketu behet fjale per ekipet e femrave dhe te meshkujve te ketyre sporteve, por edhe ato te moshave.
Pas tyre, eshte boksi sporti qe do te marre nje shume prej 60 milione lekesh, shume kjo e merituar sepse kemi te bejme me nje ekip 26 here kampion i vendit. Edhe sporti i atletikes do te marre nje shume te konsiderueshme prej 55 milione lekesh.
Sporti i çiklizmit do te perfitoje nje shume prej 23.5 milione lekesh, ndersa Vllaznia e futbollit te femrave do te marre 20 milione leke per vitin 2025. Taekondo dhe xhudoja do te perfitojne nga nje shume prej 9 milione lekesh secila, ndersa Vllaznia futsall, peshengritja, gjimnastika dhe mundja do te perfitojne secila nga 8 milione leke. Nderkohe tre sportet qe do te perfitojne me pak fonde jane noti, shahi dhe pingpongu, nga 6.5 milione leke.
Shoqatat sportive do te kene mundesine te dorezojne aplikimet e tyre per perfitimet e ketyre fondeve deri me 13 mars, ndersa fituesit do te shpallen me date 18 te muajit te ardhshem. Nga Bashkia bejne te ditur se po bejne çmos qe t’i pershpejtojne procedurat ne menyre qe sportistet dhe trajneret te marrin parate qe u takojne nga fundi i muajit mars.(www.shkodrasport.com)
