Nuk ka vetëm histori të bukura dhe me kualifikime për skuadrat shqiptare në Europë ndaj Dinamos së Tbilisit.
Vllaznia në sezonin 1998-1999 e pësoi nga një gabim foshnjarak, teksa sfidën në Tbilisi e humbi në fushë 1-0, por duke aktivizuar një lojtar të pafederuar u detyrua që të pranonte rezultatin në tavolinë 3-0.
Për ata që nuk e mbajnë mend, Vllaznia fitoi 3-1 në Shkodër, por u eliminua nga rezultati në tavolinë. Edhe asokohe luhej për Champions League, ndërkohë që skuadra mike u përball me Atletikon e Bilbaos në raundin tjetër të Champions-it.
Një shans që e humbi Vllaznia që asokohe kishte president të ndjerin Myftar Çela. Për t’u theksuar se në fushë skuadrat shqiptare kanë shënuar gjashtë gola kundër katër të gjeorgjianëve.
