Nga Gjergj KOLA
Sulmuesi shkodran Gabriel Kulla ka mbyllur sot nje sezon mese te shkelqyer me ekipin e Sassuolos duke shenuar plot 21 gola dhe duke e udhehequr ate deri aty ku ndoshta nuk e kishin menduar as drejtuesit e saj.
Pasditen e sotme eshte zhvilluar ndeshja e turit te dyte te fazes play-off dhe Sassuolo U17 eshte ndeshur me ekipin e Udinezes. Nje sfide interesante e cila ka prodhuar edhe shume gola. Udineze ka shenuar golin e pare, por me pas Gabriel Kulla ka barazuar shifrat. Ne pjesen e dyte do te kishte edhe nga nje gol per secilen skuader dhe ne kete menyre 90 minuteshi i kohes se rregullt eshte mbyllur ne shifrat e barabarta 2-2.
Kjo ka bere qe dy ekipet t’i drejtohen shtesave. Ketu ka qene serish Udineze qe ka shenuar e para golin e trete, megjithate Kulla ka fituar nje 11-metersh te cilen vete ai e ka kthyer ne gol dhe ne kete menyre shtesat jane mbyllur me shifrat e barabarta 3-3. Kjo ka bere qe me pas ekipet t’i drejtohen gjuajtjes se 11-metershave, shkruan shkodrasport.com
Nga pika e bardhe, Gabriel Kulla e ka bere si duhet detyren e tij duke shenuar golin e tij, por nje nga shoket e ekipit ka gabuar dhe ne kete menyre Udineze ka fituar 5-4 duke shkuar keshtu ne fazen finale te kampionatit ku 8 ekipet me te mira te Italise do te garojne per fitimin e titullit kampion te kesaj grupmoshe.
Per Sassuolon kampionati mbyllet ketu, por paraqitja e saj ka qene shume dinjitoze. Madje ndoshta edhe me e mire sesa e kishin menduar drejtuesit e ketij ekipi. Por kane mberritur deri ketu fale paraqitjes fantastike te sulmuesit te kombetares shqiptare Gabriel Kulla i cili ka shenuar plot 21 gola duke e udhehequr vazhdimisht kete ekip.
Ky ka qene sezoni i tij i pare ne futbollin profesionist italian dhe menjehere ka shkelqyer duke treguar vlera te jashtezakonshme dhe duke fituar edhe vemendjen e shume ekipeve te tjera, por per momentin Kulla do te jete i fokusuar tek kombetarja shqiptare e cila do te marre pjese ne Kampionatin Europian qe do te zhvillohet pas pak ditesh ne vendin tone.(www.shkodrasport.com)
