FUTBOLL

Plot 2.2 milionë dollarë pritet të shkojë vlera e shoqërisë aksionere Vllaznia. Drejtuesit e Bashkisë pritet të fusin si kapital të saj edhe fushën sportive “Reshit Rusi” . Inxhinierët dhe specialistët e saj kanë bërë vlerësimin e fushës duke e veçuar edhe si truall por edhe investimin që është bërë në të. Kështu, vetëm si tokë, vlera e kësaj fushe është vlerësuar 1.5 milionë dollarë. Duke I shtuar edhe investimin prej 400 mijë dollarësh që është investuar për rregullimin e shkallëve, rrethimin, dhomat e zhveshjes dhe tapetin sintetik, vlera totale e kësaj fushe shkon në 1.9 milionë dollarë.

Janë dy lojtarë të Akademisë Vllaznia. Kampionë për disa sezone me grupmoshat dhe tashmë kanë nisur një karrierë të re tek ekipi i parë. Kanë filluar të luajnë edhe në formacion dhe kanë dhënë shkëndijat e para se mund të jenë elementë që do t'i vlejnë Vllaznisë për të ardhmen. Ata ia kanë shpërblyer besimin trajnerit të tyre, duke I dhënë atij garancinë se mund të bëjnë gjëra të mira në të ardhmen.

Njihet prej shumë e shumë vitesh si staticieni më i mirë në Shqipëri. I kam shumë për zemër statistikat për të gjitha skuadrat e futbollit, por në veçanti ato të Vllaznisë, skuadrës së tij të zemrës. Për rrjedhojë, ai mban mend mirë si rastet e mira ashtu edhe ato të këqija për këtë skuadër. Përveçse është kundër luajtjes së ndeshjes me drita në "Loro Boriçi" (statistikat tregojnë se Vllaznia nuk ka sukses me to), ai u kujton drejtuesve dhe futbollistëve të Vllaznisë edhe një fakt tjetër që ai ka konstatuar në vitet e tij të shumta pranë futbollit.

Portieri i Vllaznisë Miroslav Vujadinoviç është prekur shumë nga gjesti i trajnerit Rudi Vata pas ndeshjes së fundit me Apoloninë teksa e ka vlerësuar atë si njeriun e ndeshjes dhe për rrjedhojë i ka dhuruar atij një orë dore. Malazezi nga Pogdorica e konsideron një dhuratë të çmuar atë dhe përveçse e mban vazhdimisht në dorë, e vlerëson shumë këtë gjest. "Për mua kjo orë vlen 1 milionë dollarë kaq të çmuar e quaj. E falenderoj shumë trajnerin Vata për këtë veprim dhe gjëra të tilla natyrisht që më shtyjnë të bëj më të mirën sërish për këtë skuadër"-ka thënë ai.

Supersfida e kampionatit kombëtar të futbollit të femrave, ajo mes ekipeve të "Juban Danjës" dhe Adës, do të zhvillohet në stadiumin "Loro Boriçi" të hënën e ardhshme. Lajmi konfirmohet nga presidenti i ekipit të "Juban Danjës", Ferdinand Jaku. "Meqë është një ndeshje e rëndësishme, por për më tepër që luajnë përballë njëra-tjetrës dy skuadrat më të mira të kampionatit, menduam se për t'i dhënë bukuri edhe më tepër kësaj ndeshje, ta zhvillojmë atë në stadiumin "Loro Boriçi".

Për trajnerin e Vllaznisë Rudi Vata, fitorja në ndeshjen me Apoloninë ka një rëndësi të madhe sepse mbi të gjitha u morën pikët e para në transfertë. Në konferencën e sotme për shtyp ai ka lavdëruar paraqitjen e elementit të ri duke thënë se tani e tutje, edhe konkurrenca do jetë më e madhe në skuadër. Po ashtu, Vata ka folur me superlativa për Karakaçin, 19 vjeçarin që luajti si titullar dhe shënoi golin e parë në Fier por nga ana tjetër, ka deklaruar se atij I duhet shumë punë për të ardhmen.

Edhe pse kanë kaluar pak javë, nga shkarkimi i Mirel Josës si trajneri i Vllaznisë dhe emërimi në krye të kuqebluve të shkodranit Rudi Vata, përsëri në qarqe të ndryshme ka diskutime, apo dalin fakte të reja çdo ditë nga kandidaturat, që ishin në atë kohë, për të pasuar teknikun tiranas në krye të shkodranëve. Dihet tashmë, se menjëherë pas humbjes së Vllaznisë në Vlorë, 1-0, përballë Flamurtarit, erdhi dhe shkarkimi i Mirel Josës. Në fakt përpara se të zhvillohej kjo ndeshje, ishin marrë masat nga drejtuesit e klubit të futbollit “Vllaznia sh.a.”, që nëse nuk fitohej ky takim nga shkodranët, tekniku Josa të shkarkohej, sidomos nëse do të humbej, siç edhe ndodhi.

Persona te autorizuar nga KF Vllaznia sh.a. kane ndjekur ne shkallet e stadiumit ndeshjen Skenderbeu- Flamurtari per Superligen. Specialiste futbolli kane udhetuar me skuadren kuqeblu deri ne Fier per te vijuar me pas drejt Korçes per te ndjekur nga afer perballjen Skenderbeu- Flamurtari.

Një ndeshje me mjaft emocione ka qenë ajo e pasdites së sotme në Fier në mes ekipeve të Apolonisë dhe Vllaznisë. Shkodranët kanë fituar thellësisht 4-1 në një ndeshje që ka patur jo pak momente interesante. Goli i parë i ndeshjes do të shënohej nga i riu i talentuar Abaz Karakaçi që e nisi këtë ndeshje si titullar dhe e shpërbleu besimin e trajnerit Vata. Ai ka shënuar një gol të bukur në minutën e 26-të por rezultati do barazohej në fundin e pjesës së parë nga Gërço për vendasit.

Opinion
Nga Pjerin Mirdita
Padyshim që ishte surpriza më e këndshme e takimit, Dritan Smajli. Ai i cili gabimin e dy javëve  më parë në ndeshjen kunder Bylisit, e shpërbleu me një takim ne kufinjtë e perfektes në Fier. Gol me kokë, asist për golin e Sukajt, iniciator i golit te Vajushit dhe galopimet karakteristike në krah, praktikisht bëri gjithçka sot. Spostimi taktik i trajnerit Vata, i cili shtyu Smajlin para dhe tërhoqi  Gocajn në mbrojtje në krahun e djathtë, i dha më së miri frytet e veta.