KATEGORIA SUPERIORE

Agron Çela dhe Fatos Gjyrezi do të jenë dy drejtuesit e klubit Vllaznia. I pari do të përfaqësojë biznesmenët që do të investojnë në ekip, ndërsa i dyti Bashkinë e Shkodrës. Nga sa bëhet e ditur, deri në datën kur kjo marrëveshje do të funksionojë (fundi i sezonit 2014-2015), bashkia në rast largimi të saj nga klubi shkodran do ta zbatojë me përpikëri kontratën, gjithmonë sipas asaj që mësohet të jetë shkruar në këtë draft. Bëhet fjalë për 40 % të shpenzimeve në klub. Nga ana tjetër, nëse donatori Çela apo grupi i biznesmenëve që ai drejton do të tërhiqen para përfundimit të kontratës, atëherë do të paguajnë shumën prej 60%.

“Jam optimist se ndryshimi në stafin drejtues të klubit do të sjellë një tjetër situatë te Vllaznia”. Kështu është shprehur dje  ish-kapiteni i Vllaznisë, Suad Lici. Një nga lojtarët e shquar shkodran në dekadën e kaluar, ka komentuar zhvillimet e fundit te skuadra kuqeblu. Në fakt, Lici ka qenë një nga lojtarët që ka një kontratë të pazbatuar nga ana e ish-presidentit Agron Çela. Por, duke krahasuar situatën që ishte te Vllaznia, ish-mesfushori mendon se tashmë është kthyer besimi. “Duhet të jemi realistë se gjendja te Vllaznia nuk është aspak e mirë.

Biznesmeni që pretendon të marrë Vllazninë në administrim dhe të marrë postin e presidentit, pikërisht Agron Çela ndër disa kërkesat që ka parashtruar ndaj Bashkisë Shkodër për marrjen e klubit, ka edhe një, atë më kryesorin që është marrja e Vllaznisë pa asnjë borxh. Që do të thotë se ai do të fillojë të hedhë paratë e tij në të njëjtën kohë me Bashkinë duke filluar nga data 15 janar e në vazhdim. Themi kështu ngaqë kjo punë pritet të marrë fund pikërisht nesër. Detyrimet e mëparshme të klubit shkodran do t’I mbesin institucionit të pushtetit lokal.

Trajneri I Vllaznisë Shpëtim Duro dje nuk ka qenë present në stërvitjen e rradhës të ekipit shkodran dhe kuptohet që mungesa e tij menjëherë shtron pyetjen e një dorëheqje të mundshme nisur edhe nga problematika që po e shoqëron atë. Megjithatë nuk bëhet fjalë për këtë gjë. Ai e ka deklaruar se nuk e ka ndër mend të largohet vetë por vetëm në rast se e shkarkojnë. Për të ndodhur kështu, ai gjithsesi ka për të marrë edhe dy rrogat e fundit që ende nuk I janë dhënë ndërsa çështja pastaj do shkojë pse jo edhe në Federatë.

Mesfushori shkodran Albert Kaçi pritet të jetë pjesë e Vllaznisë për vazhdimin e sezonit. Kjo në kuadrin e zhurmës së merkatos. Një prej emrave që po diskutohet shumë është ai i këtij futbollisti. Por sot në media, presidenti i Besëlidhjes Gjokë Noka është shprehur ndryshe. Sipas tij, shkodrani ka kontratë me Besëlidhjen deri në fund të këtij sezonit. Gjatë këtyre ditëve ai është parë në stërvitje me Vllazninë, edhe pse mesfushori nuk do ta ketë të lehtë që të luajë për shkodranët. Presidenti i Besëlidhjes, Gjok Noka, në lidhje me Kaçin është shprehur:

Drejtues të Partizanit kanë konfirmuar se trajneri I tyre I ardhshëm do jetë Shpëtim Duro. Madje, presidenti Sallaku në prononcimin e tij të djeshëm në gazetën tonë shprehej hapur se Duro do ishte trajner I kësaj skuadre edhe nëse ai do qëndronte tek Vllaznia. Pak e vështirë të ndodhte kështu por në fakt kjo nuk ka asnjë mundësi të ndodhë. Themi kështu ngaqë ky trajner nuk preferohet nga presidenti I ardhshëm I klubit shkodran I cili nuk e ka kontaktuar asnjëherë.

Do hidhej sot firma në marëveshjen dypalëshe në mes Bashkisë Shkodër dhe biznesmenit Agron Çela por kjo nuk ka ndodhur sërish. Konfirmohet fakti që mes palëve ka patur një takim të gjatë ku është diskutuar në detaje për pikat e akt- marëveshjes por ka ende paqartësi për disa gjëra të vogla. Në kushte të tilla, mendohet që deri të hënën të qartësohet çdo gjë dhe të martën të zhvillohet mbledhja e Këshillit Bashkiak për të miratuar përfundimisht bashkëpunimin e Bashkisë Shkodër me biznesmenin Agron Çela tek shoqëria aksionere Vllaznia.

Kalimi I klubit Vllaznia në përdorim të biznesmenëve nuk ka më tashmë asnjë pengesë. Drejtuesit e Bashkisë Shkodër kanë përfunduar akt- marëveshjen e bashkëpunimit në mes institucionit që ata drejtojnë dhe që administron klubin Vllaznia, me biznesmenin Agron Çela që ka shprehur interesin e tij për të investuar tek ky klub. Akt- marrëveshja prej dy faqesh, në të cilat janë të parashikuara qartë detyrimet e palëve dhe mënyra si do funksionojë tani e tutje Vllaznia, mbrëmjen e së enjtes ka përfunduar në duart e biznesmenit të interesuar.

Një trajner në punë dhe një tjetër që po bën merkaton. Ndoshta duket disi e çuditshme, por kjo është situata te Vllaznia. Askush nuk kërkon t’i bëjë gjërat zyrtare, edhe pse gjithçka duket fakt i kryer për atë çka pritet të ndodhë së afërmi. Në një kohë që Shpëtim Duro po e stërvit skuadrën dhe duket se është i vendosur për ta respektuar kontratën me klubin shkodran, nga ana tjetër, Artan Bushati, kandidati më potencial për të marrë drejtimin e pankinës kuqeblu, ka nisur prej ditësh vëzhgimin për lojtarët që mund të afrohen te Vllaznia në janar.

Ditën e djeshme në media është folur për mundësinë e ndryshimit të qëndrimit të klubit shkodran ndaj futbollistit Tefik Osmani që e kanë pezulluar tre muaj dhe gjobitur me 50 % të kontratës, ngaqë pritet edhe ndryshimi I drejtuesve të tij dhe ata që do vijnë, kanë ndër mend ta kthejnë në skuadër këtë futbollist. Megjithatë, burime pranë klubit Vllaznia bëjnë të ditur se deri në këto momente nuk ka patur asnjë ndryshim kursi në qëndrimin e tyre. Që do të thotë se Osmani duhet të kthehet të vazhdojë stërvitjen ngaqë është nën kontratë me kuqeblutë deri në qershor të këtij viti.