FUTBOLL

Skuadra shkodrane ende nuk e ka gjetur njeriun- gol për sezonin e ri. Paksa e çuditshme kjo kur ke parasysh se vetëm në dekadën e fundit kjo skuadër ka nxjerrë nga rradhët e saj sulmues si Vioresin Sinani, Hamdi Salihi, Xhevahir Sukaj, Bekim Balaj e Armando Vajushi. Sot është tjetër histori. Aktualisht Vllaznia nuk ka asnjë lider të vërtetë në këtë repart dhe ky është shqetësimi më serioz aktualisht i trajnerit Canaj por edhe i drejtorit sportiv Grima që është marrë shumë me merkaton e kësaj vere. Në mungesën e një lojtari të tillë aktualisht tek kuqeblutë, drejtuesit kanë hedhur sytë gjetkë dhe për rrjedhojë, prej 3 ditësh ndodhet në Shkodër dhe po testohet nga ana e stafit drejtues.

Tashmë nuk ka më asnjë dilemë. Miroslav Vujadinoviç ka hedhur sërish firmë për ekipin e Vllaznisë. Kjo do të thotë se ai edhe për një tjetër sezon do të mbrojë portën e kësaj skuadre. Zhurma e krijuar në lidhje me këtë rinovim ka marrë fund tashmë. Portieri I njohur malazez pasi ka kryer procedurën e firmosjes së kontratës, është sistemuar në banesën ku do të qëndrojë për një vit dhe pastaj në orën 17.30 ka qenë në dispozicion të trajnerit Canaj dhe ndihmësve të tij për të zhvilluar seancën e parë stërvitore për këtë sezon. Forma e tij sigurisht që është shumë e mirë pasi vjen nga pjesmarrja me ekipin Mlladost të Podgoricës në tre ture të Europa League.

Mund të duket befasia e madhe e merkatos së Vllaznisë në këtë periudhë. Erjon Vucaj mund të jetë blerja më e madhe e saj. Burime pranë klubit shkodran bëjnë të ditur se kanë nisur bisedimet me këtë futbollist i cili nuk duket kundër veshjes së fanellës kuqeblu. Në fakt bisedimet me organizatorin aktual të Laçit vazhdojnë prej kohësh, që në periudhën kur klubi drejtohej nga ish- presidenti Agron Çela dhe trajneri Artan Bushati. Megjithatë me largimin e tyre u duk sikur mundësia e marrjes së këtij futbollisti u zbeh por ditët e fundit ka dalë sërish në skenë. Në rradhët e tifozërisë kuqeblu ka filluar të bëhet punë e kryer një lëvizje e tillë dhe nëse do realizohej, do ishte një gjë e madhe sepse Vucaj është ndër organizatorët më të mirë të kampionatit dhe Vllaznia ka vite që i mungon një futbollist i tillë.

Mbrëmjen e djeshme ka mbërritur në Shkodër edhe një sulmues kroat. Bëhet fjalë për Damir Vidoviç. 25 vjeçari mësohet të ketë luajtur si në kampionatin kroat ashtu edhe në atë portugez. Nga të dhënat e para që mësohen për të, thuhet se është 1.79 m I gjatë dhe kërkon të fitojë vendin bosh në sulmin e Vllaznisë. Ai në fakt ishte menduar që të mbërrinte mesditën e djeshme në Shkodër, për të luajtur pastaj disa minuta në miqësoren me teutën por nuk ka ndodhur kështu teksa ka mbërritur vetëm në orët e darkës. Në këtë mënyrë, përveç seancave të së hënës dhe të martës, prova kryesore për këtë sulmues duket se do jetë miqësorja e së mërkurës me Besën. Shkodranët kanë nevojë të domosdoshme për një sulmues cilësor dhe prandaj do të provojnë se çafrë është në gjendje të bëjë ky futbollist.

Skuadra shkodrane ka fituar 2-1 miqësoren e luajtur pasditen e sotme në stadiumin "Loro Boriçi" ndaj Teutës së Durrësit. Pjesa e parë e ndeshjes në fakt ka qenë më e mirë për durrsakët. Ata kanë kaluar të parët në avantazh që ën minutën e 16-të me anë të Tefik Osmanit që ka goditur saktë një 11-metërsh të dhënë për skuadrën e tij. Por avantazhi I miqve nuk do të zgjaste më shumë se 10 minuta. Gocaj gjuan fort nga jashtë zone, portieri Rizvani ka grushtuar topin I cili shkon tek Gjini që e ndjek mirë aksionin dhe me kokë, e dërgon topin në rrjetë. Ndërkohë në minutën e 44-të Ahmataj përpak  e kaloi sërish në avantazh Teutën por gjuajtja e tij e fortë u përplas në traversë. Pjesa e parë kësisoj u mbyll në barazim 1-1. Në të dytën dy trajnerët Canaj e Magani kanë kryer shumë zëvendësime.

Prova e zhvilluar me Tiranën ditën e mërkurë nuk I ka dalë ashtu siç duhet trajnerit të Vllaznisë Agim Canaj. Ai ka mbetur disi I pakënaqur nga forma e treguar prej disa futbollistëve që mendon t’ I ketë titullarë në sezonin e ri. Këta futbollistë i ka ndryshuar në pjesën e dytë të kësaj miqësoreje dhe loja e skuadrës shkodrane duhet thënë se është përmirësuar ndjeshëm. Kjo mund të thotë se ka ende vend për ndryshime si në formacionin e parë ashtu edhe në mënyrën e vendosjes dhe shumë gjëra të tjera. Por mbi të gjitha kjo skuadër ka nevojë për lojtarë të tjerë cilësorë. Trajneri i saj e ka thënë sërish këtë gjë dhe prandaj sytë janë drejtuar nga drejtuesit e klubit për të parë se çfarë do ndodhë në ditët e ardhshme.

Vllaznia ka pësuar humbjen e parë në ndeshjet miqësore që po zhvillon në prag të nisjes së kampionatit të ri. Humbja i është shkaktuar nga ekipi i Tiranës në ndeshjen e zhvilluar pasditen e së mërkurës në stadiumin “Selman Stërmasi” të kryeqytetit. Bardheblutë kanë fituar 1-0 me golin e shënuar nga sulmuesi i tyre Çota në minutën e 30-të të ndeshjes. Takimi duhet thënë se ka qenë i ekuilbruar. Në pjesën e parë ka qenë Tirana e cila ka luajtur përgjithësisht më mirë. Vllaznia e nisi këtë ndeshje me portierin Selimaj, për të vazhduar me Gocajn, Sykajn, Beqirin dhe Seminën në mbrojtje, me Ramadanin, Bardullën e Tafilin në rolin e mesfushorëve shkatërrues dhe me dyshen Shtubina- Hajdari para tyre dhe në shpinë të sulmuesit të vetëm, Gjinit.

I pranishëm në ceremoninë e prezantimit të trajnerëve të rinj të Akademisë Vllaznisë, drejtori sportiv I klubit shkodran Armir Grima nuk ka mundur dot t’ I shmanget interesimit të gazetarëve në lidhje me situatën në të cilën ndodhet ekipi I parë aktualisht në merkato. Ai është ndalur kryesisht tek çështja e dy malazezëve, Vujadinoviç dhe Rajoviç teksa ka fajësuar funksionimin e klubit për moshedhjen e firmës në kohën e duhur me këta dy futbollistë sepse tashmë çdo gjë do ishte mbyllur me ta. Ja si është shprehur para gazetarëve ditën e djeshme drejtori Grima:

Dy futbollistët me të cilët tre ditë më parë u arrit akordi përfundimtar I një marrëveshje njëvjeçare portieri Miroslav Vujadinoviç dhe mbrojtësi Blazhe Rajoviç, dje nuk kanë mbërritur në Shkodër ashtu siç është pritur. Për rrjedhojë, kanë munguar në seancën e pasdites. Madje do të mungojnë edhe sot dhe me shumë mundësi edhe nesër. Nuk bëhet fjalë për asnjë arsye tjetër largimi për tek ndonjë skuadër tjetër a diçka e tillë por thjesht ata kanë kërkuar garanci në ardhjen e tyre në Shkodër për të hedhur menjëherë firmë në kontratë. Por kjo nuk mund të realizohet për momentin. Arsyeja është se njeriu që ka të drejtën e hedhjes së firmës në kontratë tek Vllaznia është administratori Fatos Gjyrezi.

Do mjaftonin edhe dy lëvizje të rëndësishme dhe Vllaznia do bëhej… super. Ky është mendimi I të gjithëve. I trajnerit Canaj dhe stafit të tij por edhe I tifozëve. Lajmi I publikuar dje në mediat sportive për arritjen e akordit me portierin Vujadinoviç dhe mbrojtësin Rajoviç, I ka kënaqur të gjithë. Më së shumti ka kthyer besimin tek tifozëria e kësaj skuadre. Ajo pret edhe dy lëvizjet e tjera të premtuara nga drejtuesit e klubit dhe garanton mbështetjen e fuqishme në çdo ndeshje të sezonit të ri. Duke filluar nga ndeshja e parë, ajo më 31 gusht në Shkodër ndaj Flamurtarit.