Kategoria Superiore e futbollit do zhvillojë sot dy ndeshjet e mbetura për javën e parë.
Në 13:45 në fushë do zbresin katër skuadra, me emocionet që janë të forta në Kamëz dhe Rrogozhinë. Kastrioti luan me Dinamon, ndërsa Egnatia pret në stadiumin e vet Kukësin.
Në Kamëz, krutanët luajnë kundër Dinamos të rikthyer pas nëntë vitesh në elitë. Blutë e Bledi Shkëmbit kërkojnë ta nisin mbarë këtë sezon, me emrat e mëdhenjë në ekip që nuk mungojnë.
Ndeshje emocionuese edhe në Rrogozhinë, me Maganin që ka përgatitur “kurthin” për verilindorët e Longos. Kujtojmë se pas 16 vitesh Egnatia luan sërish këtë sezon në Superligë./newsport/
