Këtë Vllazni s’e kishte parashikuar askush. Një ekip i kompletuar që ka habitur gjithë sportdashësit shqiptarë por në të njëjtën kohë i ka dhënë bukuri kampionatit tonë.
Meritë të veçantë ka Thomas Brdariç, trajneri kroat i cili ka sjellë në Shkodër grintën gjermane, duke qenë se për shumë vite ai ka luajtur në Gjermani.
Sot, ai do të jetë i ftuar në panelin e emisionit Pressing të Gert Çarçanit ku do të flasë për skuadrën e tij por edhe për pritshmëritë e sezonit.
“Trajneri i ekipit tonë Thomas Brdariç do të jetë sonte i ftuar në orën 23.00 në emisionin “Pressing” në ABC”, shkruhet në kanalin zyrtar të klubit të Vllaznisë./newsport.
