Barcelona është zhytur mes një kaosi të vërtetë që pas largimit të Lionel Mesit.
Si duket kjo vorbull ka përfshirë dhe sulmuesin e Kombëtares Rei Manaj i cili tani më duket shumë afër largimit nga katalanasit.
Sulmuesi shqiptar bëri paraqitje mjaft të mira me Barcelonën në sfidat miqësore duke realizuar katër gola, por e ardhmja e tij nuk është në Barcelonë.
Katalanasit kanë bërë publike listën e lojtarëve të ftuar për sfidën kundër Juventusin mbrëmjen e nesërme, dhe aty mungon emri i Rei Manajt.
Ende nuk dihet arsyeja e këtij veprimi, por me shumë mundësi 24-vjeçari do të zyrtarizohet në ditët në vijim tek një nga skuadrat që e kanë kërkuar me ngul këtë verë.
