PSG nuk dominon vetëm Ligue 1 në fushë. Ata gjithashtu mbajnë një vend të veçantë në zemrat e tifozëve të tyre. Sondazhi vjetor i lexuesve të L’Équipe ka prodhuar një rezultat historik, 11 lojtarët e zgjedhur për ekipin francez të Vitit veshin blu dhe të kuqe. Një fitore e pastër për ekipin e Luis Enrikes, i cili gjithashtu merr pozicionin e trajnerit me 56.73% të votave.
Dhe, sigurisht, formacioni është një formacion i njohur 4-3-3. Në portë, Xhanluigi Donaruma, tani te Mançester Siti pas largimit të tij gjatë verës, vazhdon të kryesojë me 43.72% mbështetje. Një mbrojtje e forte është padyshim edhe një garanci më shumë. Uiillian Paço (70.51%) dhe Markinjos (43.96%) formojnë dyshen qendrore, të shoqëruar nga Nuno Mendes (75.41%) dhe Ashraf Hakimi (83.12%).
Askush nuk i afrohet nga skuadrat e tjera kësaj mrojtjeje të sigurtë. Mesfusha gjithashtu flet në stilin parizien.
Vitinja (80.93%) dhe Joao Neves (66.15%) dominojnë, me Fabian Ruiz (27.59%) që plotësojnë treshen. Në sulm, Osmane Dembele (61.95%) ndan vijën sulmuese me Desire Doue (50.37%) dhe Kviça Kvaratshkelia (35.17%). Dominim total dhe i pamohueshëm. Lojtari që mori më shumë vota në të gjithë sondazhin ishte Hakimi, me 62,398 vota, një simbol i popullaritetit të PSG-së në këtë sondazh. Ndërkohë i padskutueshëm në stol ishte vendi edhe për arkitektin e kësaj skuadre, Luis Enrike.
