Trajneri i futbollit Orges Shehi ka qenë një lidhje direkte për “Sport Focus”, ku bëri një analizë të kampionatit shqiptar dhe garës për titullin.Sipas tij, ky sezon po karakterizohet nga rivalitet i fortë në çdo zonë të tabelës.
Në garën për katër vendet e para janë përfshirë disa skuadra, ndërsa Partizani dhe Teuta i janë bashkuar grupit të pretendenteve, duke e bërë betejën më të hapur.
“Kampionati është i luftuar në të gjitha frontet. Ka disa skuadra që kërkojnë kreun dhe diferencat janë të vogla. Edhe fundi i tabelës është shumë i fortë, sepse askush nuk do të jetë në atë zonë.”– tha ai.
Shehi veçon Vllazninë si skuadrën më të qëndrueshme deri tani. Ai vlerëson organizimin, përbërjen e ekipit dhe faktin që stafi njeh mirë ambientin e Shkodrës.
“Vllaznia është me meritë aty ku është. Ka kontingjent të plotë, lojtarë me cilësi dhe një staf që njeh qytetin dhe kërkesat e tij. Kjo e ndihmon shumë ekipin.”-shtoi Shehi.
