I intervistuar nga Gazzetta dello Sport, Hasan Salihamixhiç foli për ndeshjen midis Bosnjës dhe Italisë. Ish-mesfushori boshnjak ka luajtur disa vite për Juventusin dhe i njeh mirë italianët.
“Nuk e di sa vite kanë kaluar që kur kemi pasur një natë kaq të veçantë. Për një ekip kombëtar si i yni, është më shumë se vetëm një ndeshje e vetme. Një brez talentesh do të jetë në fushë, por me dy lojtarë me përvojë në krye, Kolasinak dhe Xheko, të cilët i njihni mirë në Itali. Ne jemi një ekip interesant, me një trajner të shkëlqyer si Sergej Barbanez, ai dhe unë kemi përjetuar netë të tilla.
Në një ndeshje vendimtare kualifikuese të Euro 2004 kundër Danimarkës, mund të kishim përfunduar në krye të grupit, por përfundoi 1-1 dhe ne përfunduam të katërtit… Askush nuk dëshiron ta përjetojë përsëri atë zhgënjim.
Në Zenicë mund të jetë një stadium i vogël, me kapacitet të kufizuar, por do të ketë një atmosferë unike, nuk do ta harroni. Tifozët do të jenë një lojtar më shumë dhe pastaj fusha do të flasë, edhe nëse disa njerëz mendojnë ndryshe, do të ketë cilësi”, tha ai duke paralajmëruar skuadrën e drejtuar nga Gatuzo.
