Java e 33-të e Serie A u mbyll me barazimin 1-1 mes Lecce-s dhe Fiorentinës, në një ndeshje ku spikati mesfushori i Kombëtares shqiptare, Ylber Ramadani.
Titullar në këtë përballje, Ramadani zhvilloi një paraqitje shumë të mirë në mesfushë, duke qenë një nga lojtarët më të dalluar në fushë. Ai u vlerësua si lojtari më i mirë i ndeshjes dhe mori notën 8 nga portali i specializuar i statistikave SofaScore.
vForma e tij e mirë nuk ka kaluar pa u vënë re, pasi SofaScore e ka përfshirë edhe në formacionin më të mirë të javës së 33-të në Serie A. Ky vlerësim e konfirmon edhe një herë rëndësinë e Ramadanit në mesfushën e Lecce-s dhe ndikimin e tij në kampionatin italian.
Në formacionin e javës, krahas Ramadanit janë përfshirë edhe emra të njohur të Serie A si Carnesecchi, Hermoso, De Vrij, Kelly, Fagioli, Strefezza, Rabiot, Barella, Nico Paz dhe Nzola.
Ky vlerësim vjen si një tjetër konfirmim i formës së mirë të mesfushorit shqiptar, i cili po konsolidon gjithnjë e më shumë rolin e tij në elitën e futbollit italian.
