Mesfushori shkodran Paulo Pjeshka bëhet me ekip të ri. Pas largimit nga Bylis me të cilin luajti sezonin e kaluar, 23 vjeçari nga sot është bërë pjesë e ekipit të Kukësit.
Verilindorët kanë njoftuar pak minuta më parë arritjen e marrëveshjeve mes palëve dhe tashmë ish- futbollisti i Vllaznisë do të vazhdojë karrierën te Kukësi. Më parë Pjeshka ka qenë pjesë e ekipeve si Vllaznia dhe Flamurtari.
Njoftimi i plotë
“Mirë se vjen Paulo Pjeshka
Futboll Klub Kukësi ka kënaqësinë të njoftojë se ka arritur marrëveshje me mesfushorin Paulo Pjeshka. Mesfushori nga Shkodra e njeh mirë kampionatin shqiptar, duke qenë se ka luajtur me Vllazninë, Flamurtarin dhe së fundmi ishte pjesë e Bylisit”.
