Bekim Balaj kërkon të lërë shenjë në futbollin austriak dhe fillimi me Shturm Grac ka qenë thuajse perfekt pasi futbollisti shqiptar i dha tre pikët ekipit të tij në sfidën ndaj Volsfsberger me golin e shënuar në fillimin e ndeshjes ku debutoi.
“Ndeshja e parë, goli i parë dhe tre pikët, që ishin gjëja më e rëndësishme”, ishin fjalët e futbollistit menjëherë pas duelit. “Ishte një fillim i mirë për mua, por ishte thjesht ndeshja e parë, ka shumë ndeshje të tjera që na presin dhe shpresoj që të shënoj më shumë. Kisha raste të tjera, muns të bëja edhe më shumë, por siç e thashë, më e rëndësishmja ishin tre pikët”, tha Balaj.
Futbollisti provoi për herë të parë kampionatin austriak në fushën e lojës, por përsëriti se kishte njohuri të mira për të. “Sot krijova përshtypjen e parë.
Por Hamdi Salihi më ka dhënë shumë informacione rreth Bundesligës dhe klubit”, tha Balaj, i cili mori komplimente edhe nga trajneri Nestor El Maestro. “Jam i kënaqur me Balajn, ai bëri punën e tij”, tha tekniku për paraqitjen e sulmuesit shqiptar në debutim./vipsport/
