Besëlidhja në basketboll për meshkuj ka fituar të dielën Kupën e Shqipërisë. Në finalen e luajtur në mjediset e akademisë “Dhimtraq Goga“ në Durrës, skuadra lezhjane mundi 104-65 Tiranën.
Një ndeshje që pati rivalitet vetëm në 10 minutat e para (15-11 për lezhjanët), periodë ku ekipet më së shumti studiuan njëri-tjetrin. Më pas, në fushë dominoi skuadra e trajnerit Afrim Bilali.
Në periodën e dytë Besëlidhja shkëputet ndjeshëm, duke u shkëputur 55-27 dhe duke vulosur fitoren. Gjysma e dytë e ndeshjes është një formalitet, me lezhjanët që administrojnë e thellojnë epërsinë.
Tirana duket e dorëzuar dhe pa forcën e duhur për të rivalizuar. Kështu, Besëlidhja fiton trofeun dhe nis festën. Të gjithë titullarët e ekipit kampion realizuan mbi 10 pikë (Hamati 20 pikë më i miri).
Kupa e Shqipërisë-Gjysmëfinale meshkuj
Besëlidhja – Teuta, 112-71
Tirana – Kamza Basket, 96-84
Finale – Meshkuj
Besëlidhja – Tirana, 104-65
