Sulmuesi brazilian Kaina Nunes ka lënë përfundimisht pas dëmtimin që e shqetësoi para pak ditësh. Gjatë stërvitjeve të fundit, ai ka qenë ndër më të spikaturit në lojën, që është zhvilluar brenda grupit.
Një gjë e tillë duket se ka rritur shumë optimzimin edhe në rradhët e tifozëve, që janë realisht të surprizuar nga forma fizike, por edhe teknike e shtatlartit, teksa presin shumë nga braziliani në vazhdim.
Tashmë, duket se ai i shpall “luftë” Aralicës për një vend titullari gjatë sezonit. Kështu, duke parë formën e mirë të sulmuesit brazilian, trajneri Josa do të ketë luksin nga njëra anë, por edhe nga ana tjetër dilemën e madhe për të zgjedhur mes sulmuesve, Aralica apo Nunes.
Me atë çfarë ka shfaqur në seancat e fundit stërvitore në Shkodër, Nunes duket më i avantazhuar se Aralica si titullar në majën e sulmit. Megjithatë, një gjë e tillë mbetet për t’u parë në seancat e ardhshme stërvitore në Austri.
Kujtojmë që, Nunes është pjesë e Vllaznisë që sezonin e kaluar, por në janar u huazua tek Kastrioti. Me krutanët, ai shkëlqeu, duke shënuar shtatë gola në pjesën e dytë të edicionit 2021-2022. Tashmë, sulmuesi brazilian Kaina Nunes do provojë edhe njëherë tjetër shansin e tij tek kuqeblutë.
Maringlen ZHIVANI
