Burnley ka bërë një befasi të madhe në ditën e sotme duke dalë me pikë nga Anfield Road. Ekipi ku luan Armando Broja ka barazuar në shifrat 1-1 me Liverpulin në transfertë. Një ndeshje e dominuar tërësisht nga vendasit, por me shumë fat Burnley doli me një pikë.
Pjesa e parë u luajt me një portë dhe Armando Broja e nisi titullar. Sulmuesi shqiptar i humbi pothuajse të gjitha duelet me dy qendërmbrojtësit e Liverpulit, ndërsa ekipi i Slot humbi shumë raste dhe Szobzlai gaboi në të 32 nga 11 metrat. Në minutën e 42, ëirtz shënoi golin e parë të ndeshjes.
Pjesa e dytë nisi me një ritëm tjetër teksa Burnley u zgjua dhe Liverpul u duk një ekip tjetër në fillim. Broja krijoi dy raste të mira, të cilat nuk u shfrytëzuan nga shokët e ekipit. Në të 65, ishte Edëards që solli golin e barazimit.
Ndërkohë në minutën e 74, Broja doli nga fusha duke i lënë vendin Foster, në një performancë jo shumë pozitive të Brojës, por e kuptueshme pasi interpretimi i një ndeshje të tillë me Burnley që qëndronte gjithë kohës në portë ishte shumë i vështirë. Raste të pastra të pafundme të humbura nga Liverpuli dhe pikët që ndahen. Tashmë Burnley shkon në kuotën e 14 pikëve dhe ndodhet vetëm 7 pikë larg Notingham, vendit që të shpëton për mbijetesë. Një pikë e artë, që më shumë sesa për llogari, do të shërbejë si pikë morlae pasi Burnley kërkon me patjetër fitore për të shpëtuar në këtë edicion. /Sport Ekspres/
