FUTBOLL - KATEGORIA E PARE

Ajo që kishte paralajmëruar mbrëmë trajneri i ekipit "Vllaznia B" se një lojtar i këtij ekipi do të dilte sot në stërvitje me ekipin e parë, është realizuar. Bëhet fjalë për një sportist i cili gëzon një formë të mirë sportive dhe për më tepër nuk është një emër i panjohur. Ai është Arsen Hajdari. Mesfushori me tipare sulmuese sezonin e kaluar ka qenë pjesë e kuqebluve megjithatë në fund të tij kaloi disa momente jo të mira dhe nuk u federua me ekipin e parë por kaloi tek ekipi B.

Ardhja e trajnerit Ernest Gjoka në krye të Vllaznisë duket se ka filluar t'i lëvizë në njëfarë mënyre ujërat në klubin Vllaznia. Ai nga sa shikohet, po kërkon një bashkëpunim më të madh me drejtuesit dhe trajnerët e Akademisë dhe po ashtu edhe me stafin e ekipit B. Javën e kaluar ka marrë në stërvitje një futbollist nga ekipi U-19, pikërisht mbrojtësin e majtë Senad Hysenaj ndërkohë që ditën e sotme me ekipin e parë do të dalë në stërvitje edhe një futbollist i ekipit B.

Trajneri shkodran Samuel Nikaj mund të konsiderohet më së miri si trajner i ngjitjes së skuadrave nga kategoria e parë në Superligë. E ka bërë këtë gjë sezonin e kaluar me Flamurtarin e Prishtinës kur e mori në vendin e nëntë dhe e shpalli kampion të kategorisë së parë dhe po të njëjtën gjë po bën edhe sivjet me Kastriotin e Krujës. Kjo skuadër konfirmohet si “superfuqia” e Grupit A të Kategorisë së Parë dhe pretendente kryesore për t’u ngjitur në elitën e futbollit shqiptar në edicionin e ardhshëm.

Kryendeshja e kategorisë së parë të futbollit shqiptar ka qenë padyshim ajo e luajtur pasditen e djeshme në stadiumin "Selman Stërmasi" në mes Tiranës dhe Bylisit. Ky i fundit ka fituar 1-0. Për t'u veçuar është fakti se komisioni i arbitrave pranë FSHF-së ia kishte besuar për ta gjykuar këtë sfidë shumë të rëndësishme një treshe arbitrash shkodranë.

Ndodh edhe kështu. Një kampion i madh i boksit shqiptar, solidarizohet me gjendjen jo të mirë të një ekipi në një sport tjetër dhe për të motivuar edhe më shumë pjestarët e tij, vendos premio për fitoren e tyre. Ka ndodhur në ndeshjen e kategorisë së parë në mes "Vllaznia B" dhe Besës së Kavajës. Shkodranëve u duhej patjetër fitorja në këtë takim në mënyrë që t'i largoheshin fundit të tabelës së renditjes dhe për ta ka menduar dikush tjetër.

Ka mjaftuar goli i Arsen Hajdarit për t'i dhuruar fitoren e parë në këtë kampionat "Vllaznisë B" ndaj Besës së Kavajës. Lojtari i njohur ka shfrytëzuar një top të mbetur në zonën mike, e ka goditur fort me të majtën dhe ai është përplasur në pjesën e poshtme të traversës duke përfunduar më pas në rrjetë. Ka ndodhur kjo në minutën e 20-të.

Të shtunën në ora 14.00 në fushën "Reshit Rusi" do të luhet ndeshja e javës së shtatë të kampionatit të kategorisë së parë në mes "Vllaznia B" dhe Besës së Kavajës. Nëse kavajasit kanë bërë një paraqitje përgjithësisht të mirë deri më tani, përveç humbjes së fundit ndaj Erzenit, ekipi i dytë i klubit shkodran nuk e ka marrë aq seriozisht mesa duket kampionatin dhe përveç dy-tre paraqitjeve të mira, në dy-tre të tjera ndoshta nuk i ka marrë ashtu si duhet ndeshjet duke u ndëshkuar.

Pavarësisht lojrave të mira të zhvilluar, "Vllaznia B" ende nuk e njeh shijen e fitores në kampionatin e kategorisë së parë ku merr pjesë për herë të parë sivjet. Ajo ka siguruar vetëm dy barazime dhe katër humbje duke siguruar deri më tani vetëm dy pikë. Por, trajneri i kësaj skuadre Ervis Kraja, në një prononcim për "Shkodra Sport" shpresat se tashmë ka ardhur rradha për fitore dhe të parën do ta sigurojnë pikërisht nesër ndaj Besës.

Humbja e fundit në Lezhë 0-3 ndaj Besëlidhjes nuk është pritur mirë në kampin shkodran. Stafi teknik padyshim që ka vërejtjet për futbollistët por nga ana tjetër, ka diçka edhe në lidhje me gjykimin sepse po bëhet i disati rast që kuqeblutë ndëshkohen prej tij. Alarmin për këtë e ka dhënë zëvendëstrajneri Admir Mehja që shprehet:

Humbja e fundit ndaj Korabit në Pukë nuk është pritur aspak mirë nga trajneri i Tërbunit Kreshnik Krepi që menjëherë pas ndeshjes ka deklaruar dorëheqjen e tij. Skuadra e Tërbunit e nisi ditën e djeshme me një analizë në stërvitje. Kanë qenë drejtuesit më të lartë të klubit dhe skuadrës, ndërsa më pas seancën stërvitore e kanë drejtuar Oltion Kërnaja dhe Ergys Neziri, ashtu si edicionin e shkuar. Pukjanët e nisën garën me pretendime, por me sa duket historia po përsëritet.