KATEGORIA SUPERIORE

Që prej fillimit të sezonit drejton me shumë suksesin ekipin e Kukësit por sigurisht që mendjen e ka edhe tek Vllaznia, skuadra e të cilën ai ka luajtur futboll por edhe ka punuar në disa funksione të tjera si zëvendëstrajner apo drejtues i Akademisë. Armando Cungu ka pranuar të flasë për gazetën onlinë www.shkodrasport.com për ndryshimet e fundit tek klubi shkodran. Ai flet si gjithmonë "pa doreza" dhe këtë gjë ka bërë edhe këtë herë. "Ndryshimet e ndodhura së fundi tek Vllaznia kanë qenë zgjidhja e duhur për të. Bashkia më në fund, ndonëse shumë vonë, e kuptoi se bëri një gabim shumë të madh që e mori Vllazninë. Ka qenë një vit e gjysëm të shkuar krejtësisht dëm, jo vetëm pa fituar gjë, por pa lënë asnjë gjurmë në këtë drejtim, pa harruar dëmet sportive, ekonomike e me rradhë.

Për 6 muaj me rradhë ka qenë larg Shqipërisë, pikërisht në Kanada pranë familjarëve të tij megjithatë nga Vllaznia nuk ka hequr dorë për asnjë moment. Mjeshtri I Merituar I Sportit Ramazan Rragami, përmes mjeteve të ndryshme të komunikimit dhe për më shumë tashmë përmes internetit, ka qenë në koferencë me zhvillimet tek ajo. Me të mbërritur në Shkodër, ka nxituar për në stadium për të ndjekur miqësoren me Tiranën dhe është larguar prej aty me përshtypje të mira për ndryshimet që vëreheshin tek Vllaznia.

Ndeshja më e rëndësishme e javës së parë të fazës së dytë të kampionatit, ajo në mes Skënderbeut dhe Vllaznisë, nuk do të luhet ditën e shtunë ashtu siç ishte deklaruar fillimisht, por 24 orë më herët. Vendimi është marrë nga Federata Shqiptare e Futbollit dhe në këtë mënyrë janë lajmëruar edhe klubet për këtë ndryshim. Në fakt kishte disa kohë që nuk zhvilloheshin më ndeshje ditët e premte dhe të hëna por tashmë kjo praktikë rikthehet, ndonëse ndoshta vetëm për këtë ndeshje. Do luhet në dritën e projektorëve, në orën 17.00 dhe në stadiumin e Korçës pritet të jetë një festë e vërtetë.

Përveç uljes të Artan Bushatit në krye të pankinës shkodrane, ditën e djeshme është bërë zyrtare edhe një ndryshim tjetër në të. Safet Osja, një ish- futbollist i njohur i Vllaznisë, ka marrë postin e zëvendëstrajnerit të skuadrës kuqeblu. Nuk bëhet fjalë për një largim të Vioresin Sinanit nga ky post, por tani e tutje do jenë dy zëvendëstrajnerë tek ky ekip. Lajmin e ka konfimuar për gazetën tonë vetë trajneri i parë Bushati kur ka thënë:

Ka mjaftuar një deklaratë e trajnerit aktual të Vllaznisë Artan Bushati pas ndeshjes miqësore me Tiranën, për të nxjerrë në skenë të gjithë çështjen që shqetëson më shumë se dço gjë tjetër aktualisht këtë skuadër. Bëhet fjalë për përgatitjen fizike të saj. Deri të shtunën që shkoi, gjërat janë kaluar disi heshtur, me idenë se gjërat do merrnin për mirë gradualisht por nuk mund të vazhdohej kështu. Mbase për të dhënë edhe njëfarë justifikimi për situatën aktuale.

Ka mbërritur pasditen e sotme në Shkodër blerja më e fundit e Vllaznisë në merkaton e janarit, braziliani Bruno Figueiredo. Ai ka qenë i shoqëruar nga menaxheri i tij Armand Gjergji. Lajmi bëhet i ditur nga faqja zyrtare e klubit shkodran e cila njëkohësisht bën të ditur se lojtari i blerë së fundi, do të jetë nesër në orën 09.30 në stërvitjen e parë të kuqebluve. Ditët e fundit mesfushori me tipare sulmuese thuhet të jetë stërvitur me një trajner personal në Brazil pasi ka mbyllur kontratën që ka patur me ekipin e tij të mëparshëm në Indi.

90 minutat e miqësores së djeshme kundër Vllaznisë, nuk kanë qenë aspak të këndshme për mesfushorin shkodran që luan për Tiranën Gilman Lika. Ai është kundërshtuar jo pak nga tifozët kuqeblu të cilët nuk ia falnin mosfirmosjen për Vllazninë në merkaton e janarit. Thirrjet dhe ndonjë ofendim në adresë të tij, sigurisht që e kanë bërë të ndjehet keq atë megjithatë ai për asnjë moment nuk ka kërkuar të reagojë duke u treguar një profesionist I vërtetë.

Miqësorja e luksit mes Vllaznisë dhe Tiranës ka përkuar edhe me prezantimin zyrtar të presidentit të ri të klubit shkodran. Agron Çela dje ka dalë për të parën herë para publikut kuqeblu si kreu më i lartë i kësaj skuadre. Ai ka qenë i pranishëm në tribunën VIP, ndërsa përkrah tij nuk munguan as nënkryetari i bashkisë, Troshani, Gjyrezi, por edhe administratori i bardhebluve, Tagani.

Ivan Deliç, mesfushori malazez që luan për Vllazninë do t’I japë fund beqarisë. Ai pikërisht nesër do të zhvillojë ceremoninë e dasmës së tij. Për këtë arsye, ai dje ka kërkuar leje dhe ka munguar në stërvitje sepse do të përgatitet për këtë eveniment të veçantë të jetës së tij. Por ndërsa ka kërkuar leje nga ana e trajnerit Bushati, 27 vjeçari nga Podgorica nuk ka ngurruar të ftojë të gjithë ekipin e tij për të marrë pjesë në dasmën e cila do të nisë nesër në orën 16.00. Ndërkohë problemet në infermierinë kuqeblu vazhdojnë të jenë present ashtu si gjithë këto ditët e fundit.

Trajneri i Vllaznisë Artan Bushati është dukur i kënaqur në lidhje me fitoren por më tepër me lojën e zhvilluar nga skuadra e tij në miqësoren e sotme ndaj Tiranës të cilën Vllaznia e fitoi 3-1. Trajneri i kuqebluve megjithatë mendon se ka ende shumë gjëra për të rregulluar tek kjo skuadër. Ja deklarata e plotë e tij bërë menjëherë pas ndeshjes së sotme: “Do të thoja që jam I kënaqur me këtë fitore. Por më gëzonjë fitore që në aspketin teknik fuksionoj. Në pjesën e parë mund të them se ekipi funksionoi mirë në aspketin taktik dhe në pjesën e dytë ishte evidente mungesa deri në njëfarë mënyre e përgatitjes dhe e freskisë fizike.