KATEGORIA SUPERIORE

Vllaznia ka marrë një barazim me shumë vlera në Vlorë ndaj Flamurtarit vendas. Në fund të 90 minutave, është fiksuar rezultati 0-0. Kjo ishte një pikë me shumë vlera që vinin pas një situate shumë të tensionuar dhe të zhurmshme nga ndeshja me Tiranën. Megjithatë kuqeblutë kanë luajtur mirë. Sidomos në pjesën e parë ku kanë tentuar në 2-3 momente edhe të godasin portën e Xhelilajt me anë të Sosëz, Shtubinës dhe Sykajt. Flamurtari nga ana e tij rrezikon me anë të Gilbertos dhe Muzakës por portieri Selimaj është sërish në një ditë të shkëlqyer duke neutralizuar çdo gjë.

Pragndeshja me Tiranën po shoqërohet me një interesim të madh nga ana e tifozërisë shkodrane. Kjo e fundit ka ditë që ka nisur përgatitjet për këtë sfidë shumë të rëndësishme. Pritet që dekori në stadiumin “Loro Boriçi” të jetë shumë më interesant në këtë ndeshje. Kjo edhe falë mbështetjes financiare që presidenti I klubit Roberto Nava I ka dhënë grupimit të tifozëve “Vllaznit Ultras”. Tifozët e këtij grupimi po merren tashmë me këtë temë megjithatë ata nuk kanë qenë shumë dakord me orarin e zhvillimit të kësaj ndeshje. Sipas Federatës Shqiptare të Futbollit, ndeshja Vllaznia- Tirana do të luhet të enjten në orën 16.00.

Trajneri i Vllaznisë Baldo Raineri nuk është shqetësuar shumë për rezultatin e barabartë që u fiksua në fund të miqësores së luajtur pasditen e së enjtes ndaj Veleçikut. Duke folur para gazetarëve në fundin e takimit, ai ka thënë: “Në këtë miqësore më ka interesuar që të shikoj lojën e ekipit dhe jo rezultatin. Jam i kënaqur me lojtarët e ardhur dhe paraqitjen e tyre. Kanë pak kohë, por besoj se deri ditën e enjte do të jenë më mirë. Ndaj Tiranës do të shikoni, ashtu siç edhe kam premtuar, një tjetër skuadër. Fitorja në Durrës ka pasur ndikimin e vet, pasi ka qenë për të gjithë ne dhe për klubin.

Ndërprerja e kampionatit shqiptar të futbollit për shkak të ndeshjes që kombëtarja jonë do të luajë në Portugali, do të shfrytëzohet nga ana e drejtuesve të Vllaznisë për të zhvilluar një ndeshje miqësore. Kështu, stafi drejtues me në krye trajnerin Raineri, ka vendosur që të zhvillojë një takim të tillë pasditen e së enjtes. Kundërshtari I kësaj miqësoreje do të jetë Veleçiku I Koplikut, skuadra kjo që drejtohet nga trajneri Kreshnik Krepi.  Ndeshja do të luhet në stadiumin “Loro Boriçi” dhe ajo që është më interesantja ka të bëjë me atë që orari I planifikuar është ai 19.00.

Pavaresisht entuziasmit ne kampin shkodran, ndodhi ajo qe pritej. Kukesi ka fituar 2-1 brenda ne Shkoder ndajllaznise ne ndeshjen e hapjes se kampionatit. Kane vendosur dy gabime te mbrojtjes kuqeblu ato qe kane vendosur fatin e ndeshjes. Nje takim qe ka nisur me ceremonine e lamtumires se futbollit per dy ish- futbolliste te Vllaznise, Safet Osjen dhe Amarildo Belishen.

Vllaznia është mundur në ndeshjen e parë por situata në javët e ardhshme pritet të jetë ndryshe tek ajo. Kjo pas përforcimeve që po bën në merkato. Pikërisht pasditen e sotme, drejtuesit e klubit kanë prezantuar dy nga blerjet e fundit, pikërisht dy uruguajanët, sulmuesien Sebastian Soza dhe mesfushorin Xhorxhino Aguirre. Duke folur para gazetarëve, ata kanë shprehur entuziasmin e tyre duke premtuar ndryshim të situatës. Drejtuesit e klubit kuqeblu e quajnë si një nga afrimet më të bujshme atë të Sozës pranë ekipit të tyre.

Humbja me Kukësin e ka ulur me këmbë në tokë Vllazninë. Drejtuesit e saj përpos entuziasmit të fillimit të kampionatit, tashmë duken më ndryshe. Presidenti Nava dhe drejtuesit e tjerë të klubit kanë filluar t’i bëjnë llogaritë ndryshe. Skuadra ndaj Kukësit shfaqi gabime elementare sidomos në repartin e mbrojtjes por edhe në repartet e tjera ka treguar pasiguri dhe mungesë kualiteti. Pikërisht për këtë arsye, po tentohet ndërhyrja sërish në merkato. Ditën e nesërme do mbyllet zyrtarisht kontrata me dy uruguajanët, Sozën dhe Aguirren dhe ata pritet të jenë një përforcim i rëndësishëm për mesfushën dhe sulmin e Vllazninë por nuk mjaftojnë.

Në konferencën e sotme për shtyp, një ditë para ndeshjes së hapjes të kampionatit me Kukësin, trajneri i Vllaznisë Baldassare Raineri ka treguar besim për marrjen e një rezultati pozitiv. Duke folur para gazetarëve ai ka thënë: "Kane thene shume gjera per ne. E kane bere fakt te kryer fitoren e Kukesit por une them vetem kaq: do vendos fusha e lojes se kush do fitoje. Une jam I kenaqur me grupin qe kam zgjedhur te punoj dhe e vetmja keqardhje eshte se do deshiroj te kisha edhe vetem nje jave me shume ne dispozicion per t'u pergatitur per kete ndeshje megjithate fale edhe mbeshtetjes se zjarrte te tifozeve tane mund t'ia dalim.

Situata tek Vllaznia vetëm pak ditë para nisjes së kampionatit po shkon drejt normalizimit. Vetëm 4 ditë para ndeshjes së parë me Kukësin, skuadra tashmë ka filluar të plotësohet. Pasi janë firmosur kontratat me 20 futbollistë, pritet që këto ditë të mbyllen edhe 2-3 kontrata të tjera. Me skuadrën në stërvitje është bashkuar mbrojtësi serb Mehmedoviç ndërkohë që ende nuk dihet se çfarë do ndodhë me mbrojtësin tjetër, kosovarin Durim Badalli. Ai është në stërvitje por nuk ka firmosur akoma me kuqeblutë. Nga ana tjetër, katër afrikanët që kanë mbërritur në provë tek Vllaznia, janë larguar nga ana e stafit drejtues si të  panevojshëm sepse nuk kishin kualitetin e duhur për të përfaqësuar këtë skuadër.

Miqësorja e tretë dhe e fundit e Vllaznisë para nisjes së kampionatit, ka konfirmuar faktin se skuadra ende nuk është aty ku duhet. Kuqeblutë kanë barazuar 1-1 në miqësoren e luajtur ndaj ekipit të Burrelit. Ndeshja është luajtur pasditen e së shtunës në stadiumin “Loro Boriçi” dhe është konsideruar të jetë testi vendimtar I vendasve në prag të sfidës së parë të kampionatit, atë që do të luajnë javën e ardhshme me Kukësin. Trajneri Raineri  e ka nisur lojën me portierin Selimaj, për të vazhduar me Gocaj, Beqiri, Sykaj, Bacin në mbrojtje, me Tafilin, Shalën, Kalajën dhe Shtubinën në mesfushë si dhe me dyshen Kruja- Dibra në sulm.