FUTBOLL

Emri I Ardian Arrës është përkujtuar sërish me një aktivitet shumë të bukur të organizuar nga mjeshtri I njohur Hysen Zmijani. E zhvilluar për disa javë me rradhë në kompleksin sportiv “Zmijani” kjo kupe me emrin e Ardian Arres per futbollistet 12 vjeçare ka patur kulmin dje me zhvillimin e ndeshjes finale ne mes ekipeve te Adës dhe Juban Danjës. Pas barazimit 1-1, me penallti ka qenë ekipi I Adës ai që ka merituar kupën “Ardian Arra”. Menjëherë pas kësaj ndeshje është zhvilluar ceremonia e dorëzimit të kupës teksa organizatori Hysen Zmijani ka falenderuar pjesmarrësit ndërkohë që në emër të familjarëve, ka qenë djali I mjeshtrit Ardian Arra ai që I ka dhënë kupën kapitenit të Adës.

I ardhur në limitet e merkatos së janarit, mbrojtësi shkodran Ervis Kraja ndoshta nuk u mendua se do të zinte një vend titullari në formacionin e Vllaznisë por vazhdimi tregoi të kundërtën. Ai ndonëse nuk kishte zhvilluar një fazë përgatitore të rregullt, me punën sistematike në stërvitje, arriti të bindte fillisht ish-trajnerin Vata e më pas edhe Grimën duke qenë titullar I padiskutueshëm. Pikërisht kjo paraqitje e bërë në atë gjysëm sezoni, e bën mbrojtësin shtatëlartë të mendojë se bashkëpunimi me Vllazninë do vazhdojë. Këtë ai e thotë në prononcimin e tij për “Shkodra Sport” kur shprehet:

Çiklizmi në Shkodër vazhdon të zhytet çdo ditë e më thellë duke njohur pjesën më të zezë të historisë së tij. Për të dytin vit radhazi, ekipi i Vllaznisë nuk do të marrë pjesë në Rrethin Çiklistik të Shqipërisë që zhvillohet çdo vit ka Federata e Çiklizmit. Lajmin e konfirmon një prej çiklistëve të Vllaznisë, pikërisht Ardit Vorfa. I pyetur për situatën e fundit, Vorfa thekson se u është komunikuar nga drejtuesit e "Sport Klub Vllaznia" se nuk do të jenë pjesë e kësaj gare që do të mbahet me 12 qershor. Arsyeja është sërish banale, e njëjtë me atë të një viti më parë. Nuk janë fondet e mjaftueshme, për të mundësuar shkuarjen e Vllaznisë në këtë aktivitet kaq të rëndësishëm për të gjithë çiklistët.

Në klubin Vllaznia nuk mungojnë risitë. Pas propozimit të drejtorit sportiv Armir Grima për heqjen e numrit 9 nga ana e klubit në respekt të lënies së karrierës të golashënuesit më të mirë në historinë e saj- Vioresin Sinanit, vjen një tjetër propozim shumë interesant. Dhe sërish nga ana e drejtorit sportiv Grima. Ky I fundit, I konsultuar edhe me Këshillin e Trajnerëve, duket se ka dalë në konkluzionin se për futbollin shkodran dhe për klubin Vllaznia do ishte më mirë ndërtimi I një ekipi “Shpresa” me futbollistë 19-21 vjeç. Arsyeja është se shumë prej futbollistëve që mbushin moshën për t’u larguar nga ekipi I të rinjve, nuk gjejnë hapësirat e duhura për të kaluar tek ekipi I parë dhe detyrohen të degdisen në skuadra të tjera, kryesisht të kategorisë së parë.

I prezantuar në kampionatin shqiptar, 5 sezone më parë tek Elbasani, por gjurmë ai la tek Vllaznia, duke u aktivizuar për tre sezone me radhë si titullarë, kosovari Ilir Nallbani ka rënë së fundmi në “rrjetën” e drejtuesve të Kukësit. Për këtë, ai pritet që të vijë nga vendlindja e tij, në fillim të javës tjetër, për të biseduar me drejtuesit e klubit verilindor për një marrveshje të mundshme për sezonin e ri. Ka qenë tekniku Armando Cungu, që u ka propozuar drejtuesve të Kukësit, që në momentin e parë që mori drejtimin e këtij ekipi, emrin e mesfushorit Nallbani, pasi ia njeh mirë vlerat, duke qenë se e ka patur nën urdhra, gjatë kohës që ai luajti në Shkodër me Vllazninë.

Ajo që kanë premtuar drejtuesit e Vllaznisë mesditën e së mërkurës në momentet e prezantimit të trajnerit Duro, është për t’u patur në konsideratë. Ata duan dhe kanë premtuar një skuadër ndryshe nga një sezon më parë dhe të gjithë shpresojnë që ky premtim I tyre të bëhet realitet. Mbase në këtë ceremoni nuk u përmendën fare paratë por duket se për një institucion si Bashkia Shkodër, ato nuk janë një problem. Kryebashkiaku Luka ka patur merak më shumë të thotë se për çdo lekë që do të hidhet tek Vllaznia, do të ketë një transparencë të plotë financiare sepse ato janë lekët e taksapaguesve shkodranë.

Mesfushori kosovar Ilir Nallbani ka fituar sot Kupën e Kosovës me skuadrën e tij Trepça '89. Ajo ka mundur në finalen Ferizajn me rezultatin e pastër 3-0. Kjo ndeshje finale është zhvilluar në stadiumin e Prishtinës dhe është ndjekur edhe nga trajneri shkodran që tashmë drejton Kukësin Armando Cungut. Kjo ngaqë ai dëshiron ta marrë në skuadrën e tij për sezonin e ardhshëm dhe pas kontakteve të para, është rënë dakord që lojtari të vëzhgohej në këtë ndeshje.

Legjenda e futbollit shkodran, Ramazan Rragami, në emër të anëtarëve të këshillit të trajnerëve pranë klubit Vllaznia, ka vlerësuar maksimalisht përzgjedhjen e Shpëtim Duros. Sipas tij, emërimi në pankinë i Duros, i hap rrugën një punë intensive dhe serioze te skuadra shkodrane. Ndërkohë, ashtu si vetë kreu i klubit Lorenc Luka, edhe Rragami, në emër të këshillit të trajnerëve, i shprehu mbështetjen maksimale teknikut tiranas. “Dua të falënderoj presidentin e Vllaznisë, Lorenc Luka, për zgjedhjen që ka bërë, por edhe për gjithë këtë maturi që ka treguar në vendosjen e trajnerit Shpëtim Duro.

Të hënën nuk ndodhi, madje as dje. Prezantimi I trajnerit Shpëtim Duro është shtyrë sërish. Kryebashkiaku I Shkodrës Lorenc Luka është kthyer nga Italia që mbrëmjen e së dielës por e ka patur mesa duket axhendën e ngarkuar dhe për rrjedhojë nuk ka planifikuar qoftë as 5 minuta për të firmosur me trajnerin dhe për ta prezantuar para mediave.

Në mesditën e sotme në zyrën e kryebashkiakut Luka, ka qenë vetë ky i fundit që pasi ka firmosur kontratën me trajnerin e ri të Vllaznisë Shpëtim Duron, e ka prezantuar atë para mediave. Ja një pjesë e fjalës që ai ka mbajtur: "Të nderuar veteran të futbollit të Shkodrës dhe njëkohësisht dhe anëtarë të “Këshillit të Trajnerëve” që unë do e vlerësoja maksimalisht për kontributin që keni dhënë gjatë kësaj periudhe. Me agnazhim maksimal gjatë këtyre ditëve duke zgjedhë një autoritet që ti shërbejë sa më mirë ringritjes së klubit të futbollit Vllaznia, pikërisht me ato standarte që vetë kërkoni së bashku me vetë komunitetin e këtij qyteti.