Karlos Kueiroz nuk është më trajner i kombëtares së Egjiptit.
Pas humbjes së finales së Kupës së Afrikës ndaj Senegalit dhe dështimit të dërgimit të kombëtares së tij në Botërorin e këtij viti që do të zhvillohet në Katar, palët kanë rënë dakord në mënyrë konsensuale për t’i dhënë fund bashkëpunimit.
Këtë lajm e ka bërë të ditur Federata Egjiptiane e Futbollit përmes një komunikate për shtyp në faqen zyrtare.
69-vjeçari portugez është i njohur në arenën e trajningut ku më parë ka qenë trajner edhe e kombëtares së Kolumbisë, vendlindjes së tij, Portugalia, Irani, Real Madrid, por edhe si asistent te Mançester Junajtid.
Kueiroz e mori postin e tij te Egjipti më 8 shtator 2021 dhe zhvilloi 20 ndeshje në total, ku arriti të fitonte 13, barazonte 2 dhe të humbiste 5 herë.
