Dinamo po kalon një moment tepër të vështirë. Blutë e kryeqytetit kanë pësuar 3 humbje radhazi, ndërsa sfidën e radhës do ta kenë përballë Vllaznisë të premten.
Stafi teknik ka nisur nga puna, ndërsa presidenca ka shprehur sërish besim te lojtarët duke inkurajuar për dy ndeshjet e fundit të këtij viti. Trajneri Bledi Shkëmbi pritet të bëjë ndryshime në formacion nga sfida e fundit ndaj Partizanit.
Isaevski ka shlyer pezullimin e kartonave dhe do të marrë vendin e tij në krahun e majtë të mbrojtjes, ndërsa në sulm, Skuka do të ulet në stol.
Sulmuesi nuk ka bindur shumë e për këtë arsye, Shkëmbi ka vendosur që të hedhë në fushë nga minuta e parë, Rimal Haxhiun që ka lënë pas dëmtimin dhe është gati për të luajtur./newsport/
