Sot (e shtunë) janë në orar për t’u zhvilluar tri ndeshje interesante në kuadër të Grupeve për Kampionatin Evropian “Gjermani 2024”.
Euro 2024 nisi të premten mbrëma me Gjermaninë mikëpritëse që mposhti me rezultat të thellë 5-1 Skocinë. Megjithatë, nga sot fillon fushata ‘seriozisht’ dhe secila ditë do të ketë nga tri ndeshje në orar për t’u zhvilluar.
Kombëtarja e Shqipërisë e fillon sot Euro 2024, pasi në Grupin B do të luajë nga ora 21:00 ndeshjen e parë ndaj Italisë. Në grupin e kuqezinjve është edhe një tjetër ndeshje interesante, pikërisht ajo mes Spanjës dhe Kroacisë, me fillim nga ora 18:00.
Ndërkohë ndeshja e parë e ditës së sotme është ajo në mes të Zvicrës dhe Hungarisë, e cila fillon nga ora 15:00 dhe është e vlefshme për Grupin A. /Telegrafi/
