Vllaznia fitoi 1-0 në shtëpi përballë Flamurtarit dhe siguron biletën për në gjysmëfinale të Kupës së Shqipërisë. Për mikrofonat e “Super Sport”, trajneri Tomas Brdariç pranoi se ekipi i tij pati fat në këtë sfidë.
“E rëndësishme është që u kualifikuam dhe nuk duhet të shikojmë shumë gabimet. Ndoshta kishim pak fat, por ndoshta fati është i nevojshëm ndonjëherë.Duhet të jemi të kujdesshëm për analizimin e lojtarëve.”
“Gjendja e fushës tonë nuk ishte më e mira e mundshme. Do të fokusohemi tek ndeshja e radhës dhe më pas do të analizojmë dhe ndeshjen e sotme kur të jemi më të qetë.”
Ndeshja ndaj Teutës
“Përpara përballjes me Laçin kemi pasur një përmirësim të madh dhe atë ndeshje e dominuam pavarësisht se nuk e fituam. Ndeshja me Teutën do të jetë ndryshe sepse kemi tifozët pranë, Duhet të jemi të bashkuar dhe besoj se do dalim mirë.”
