Zërat dhe lëvizjet e futbollistëve në këtë muaj zënë thuajse çdo lajm sportiv. Patjetër që në mbarë Europën ka blerje dhe shitje të futbollistëve.
Duket se edhe një futbollist shkodran po përgatit rikthimin e tij në Superligën shqiptare të futbollit. Fjala është për Elmir Lekaj.
“Shkodra Sport” mëson në mënyrë ekskluzive se 21-vjeçari është shumë pranë rikthimit në kampionatin tonë. Mbrojtësi i djathtë në pjesën e parë të sezonit është aktivizuar në Maltë tek Rabat Ajax. Tashmë duket se ai është shumë pranë kthimit në kampionatin tonë.
Për momentin emri i skuadrës nuk bëhet i ditur pasi marrëveshja është në detajet e fundit.
E sigurt është se ish-mbrojtësi i Vllaznisë apo edhe Arbërisë në Superligën e Kosovës do jetë në pjesën e dytë të sezonit në Superligë.
Endri ÇINARI
