Pas fitores dhe festes se ligjshme ne kryeqytetin shqiptar te Tiranes, skuadra e Romes me ne krye trajnerin e madh, Mourinho ka fluturuar nga aeroporti i Rinasit drejt Italise, duke mberritur ne oret e para te mengjesit atje, ku eshte pritur nga rreth nje mije tifoze.
Kishte brohoritje te vazhdueshme nga te pranishmit per ekipin fitues te trofeut europian Conference League, nderkohe qe ekipi dhe stafi me pas jane akomoduar ne autobusin e ekipit me slogani “Roma fitoi”, i cili i shoqeruar, u largua nga aeroporti permes nje kalimi dytesor.
Ne fakt, edhe pse kane pritur mbi pese ore ne aeroport, tifozet e Romes nuk kane mundur te takohen prej se afermi me skuadren. Nderkohe, sipas njoftimeve te klubit italian, gjate dites se sotme do te kete festime te permasave te medha ne rruget e kryeqytetit italian.
Fillimisht me nje parade te skuadres ne rruget e qytetit me Kupen ne duart e futbollisteve dhe me pas spektakle te planifikuara ne sheshe te ndryshme te qytetit.
Ky eshte trofeu i pare qe nga viti 2008, qe ne ate kohe ishte Kupa e Italise. Sukses qe justifikoi pasionin e shfrenuar te tifozeve te Romes, te cilet tashme presin me te drejte qe skuadra e tyre, te ece me tej drejt sukseseve te tjera nderkombetare.
Maringlen ZHIVANI
