Duhej te mbyllej sot, por kjo nuk ka ndodhur. Madje nuk pritet te ndodhe as pasdite sepse gjithçka eshte shtyre per diten e neserme. E kemi fjalen per firmen e futbollistit Kristijan Vulaj me Vllaznine.
Mbreme kemi bere te ditur se lojtari sot do te mberrinte ne Shkoder per te mbyllur marreveshjen me klubin shkodran, por deri ne keto momente nuk ka asnje informacion ne lidhje me kete gje.
Ne keto rrethana, gazeta “Shkodra Sport” ka kontaktuar me njerez prane Vulajt te cilen na kane bere te ditur se arsyeja qe kontrata nuk u firmos sot ka patur te beje me mungesen e menaxherit te lojtarit. Ai ndodhet ne Itali per momentin dhe ne mungese te tij kontrata nuk mund te mbyllej.
Menaxheri mberrin neser dhe bashke me te edhe mesfushori- sulmues 23 vjeçar nga Tuzi. Burime prane lojtarit bejne te ditur se nuk ka ndryshim plani sepse Vulaj eshte i vendosur per te hedhur firme me Vllaznine.
Ne fakt tifozet e Vllaznise e kane pritur me padurim prezantimin e shqiptarit nga Tuzi por shtyrja e tij krijoi friken ne mos gjerat kane marre rrjedhe tjeter ashtu siç ka ndodhur me pare me Engjell Hotin apo ndonje lojtar tjeter.
Kete here eshte ndryshe. Kristijan Vulaj e ka dhene fjalen dhe do ta mbaje deri ne fund, teksa neser edhe do te zyrtarizohet si futbollist i Vllaznise./SHKODRA-SPORT.COM/
