Chelsea do të përballet sot në orën 18:30 me Preston në “Stamford Bridge” për raundin 1/32 të FA Cup.
Londinezët shihen si favoritët absolut përballë kundërshtarëve dhe të gjithë parashikojnë një fitore të lehtë në letër.
Trajneri Maurizio Pochettino ka zgjedhur 11-shen titullare dhe Armando Broja është sërish në majën e sulmit. Një shans ideal për sulmuesin shqiptar të rikthehet në rrugën e golit për t’u zhbllokuar.
Përballë ekipit që ndodhet në mesin e tabelës në Championship, Broja do të provojë të rikthehet te goli e të rrisë shanset e tij për të qëndruar në skuadër.
