Dita-ditës “Arena Kombëtare” po merr formë. Stadiumi që po ngrihet në gërmadhat e mitikut “Qemal Stafa” ka pësuar ndryshime të rëndësishme, diçka e cila vihet re fare mirë në këtë foto.
Fasada e jashtme ka marrë formë thuajse plotësisht, ndërkohë që po punohet për sistemimin e stolave dhe më pas shtrimit të tapetit të gjelbër.
Punimet po ecin me hapat e duhur, ku pritet që stadiumi i ri në kryeqytet të jetë i gatshëm për të pritur takimin eliminator të grupit H, mes Shqipërisë dhe Francës, i programuar për tu luajtur gjatë muajit shtator.
