Futbollistët shkodranë janë të shpërndarë në mbarë Europën dhe janë të spikatur në klubet ku luajnë. Një emër që pritet të jetë i rëndësishëm në të ardhmen është edhe Andreas Ndoj.
Futbollisti i cili është lindur dhe rritur në Greqi, por me origjinë nga Shkodra, duket se po hedh hapat e tij të parë profesionistë.
“Shkodra Sport” e ka cekur në shkrimet e saj të herë pas hershme si një talent i së ardhmes dhe duket se këto pritshmëri po dalin të sakta.
Mesfushori ka firmosur një kontratë të re me skuadrën e njohur greke të Olympiacos. Është vetë 18-vjeçari i cili ka bërë të ditur këtë me anë të një postimi në rrjetet sociale.
Ku ai shprehet shumë i lumtur për kontratën e re dhe besimin që po i japin rekordmenët e futbollit grek. Ndoj aktivizohet si mesfushor me tipare mbrotjëse ku dallohet për fizikun dhe luftën e fortë sportive. Ai ka qenë pjesë e kombëtares u-17 të Shqipërisë ndërsa tani është pjesë e Greqisë u-19.
Por asnjëherë duke i mbyllur derën atdheut të tij, pasi zgjedhja përfundimtare se cilën kombëtare do përfaqësojë ende nuk është marrë. Gjithsesi e ardhmja duket premtuese për djaloshin që do vazhdojë të jetë pjesë e një prej skuadrave më të mëdha të Ballkanit.
Endri ÇINARI
