Mesfushori shkodran Sabah Kerjota ka luajtur sot për 20 minuta ndaj Celtic në ndeshjen e rradhës të vlefshme për kampionatin skocez të futbollit, duke kontribuar në barazimin 2-2 të skuadrës së tij Hearts.
Ai ka hyrë në lojë në minutën e 70-të në vend të Magnusson kur rezultati ishte 1-2 në favor të miqve, por trajneri Mcinnes kishte besim tek aftësitë e Kerjotës dhe si rrjedhojë ee aktivizoi. Ish- lojtari i Akademisë Vllaznia u mundua të bënte më të mirën e tij dhe tre minuta para fundit, Hearts arriti të shënonte golin e barazimit.
Me këtë rezultat ai e ka ruajtur distancën prej 6 pikësh në renditje me Celtic, por i është afruar në 4 pikë skuadra tjetër e mirënjohur skoceze Rangers. Hearts është zbulimi i kampionatit të sivjetëm sepse po udhëheq nga java e parë e deri më sot, kur u luajtën ndeshjet e javës së 23-të të tij.
Ndërkohë për futbollistin shkodran Sabah Kerjota kjo është një eksperiencë e jashtëzakonshme në të parin sezon me të, kur kujtojmë që ai vjen nga Seria D në Itali ku sezonin e kaluar u shpall kampion me ekipin San Benedetasse.
Burimi: Gazeta “Shkodra Sport”
