Ka kundërshtime, ka vlerësime, por ka edhe habi sesi ka mundësi që Vllaznia po qëndron kaq gjatë në krye të renditjes. Megjithatë kemi të bëjmë me një skuadër me shumë histori e traditë dhe këtë gjë kërkon t’ua kujtojë edhe gazetari i njohur Gëzim Sinemati.
Gjatë emisionit “Procesi sportiv” ai ka thënë një batutë shumë të bukur që padyshim qëndron për Vllazninë dhe futbollin shkodran. “Kush e ka dasht futbollin, e donte edhe Vllazninë. Për mënyrën e veçantë si e konceptonin shkodranin futbollin “- ka thënë ai.
Gazetari i njohur më pas është ndalur edhe tek ndeshja e fundit Partizani- Vllaznia për të cilën është shprehur: “Ishte një futboll i mirë në një fushë të keqe, pashë një Partizan të motivuar derisa arriti që t’i imponohej Vllaznisë aq shumë sa atë të ndjeheshin të kënaqur me barazim. Zakonisht e kemi parë Vllazninë në pozita të tjera, ka qenë argëtuese dhe dominuese”.
Sipas Sinematit, në dy ndeshjet e fundit Vllaznia e ka zbehur disi atë futbollin e bukur dhe kjo mund të ketë ndodhur për disa arsye, të cilat ai i shpjegon si më poshtë:
“Dy javët e fundit Vllaznia nuk është siç ka qenë përpara, mund t’i gëzohet pikëve në klasifikim. Por, nuk është vetëm faji i vet, e kemi ngarkuar të gjithë me presion edhe euforia nga brenda. Megjithatë, ka një moral, një ekip i mirë që niset për kampionat edhe në ditë të keqe nuk humbet.
Kjo është një cilësi e ekipeve të forta, për këtë Vllaznia ka shpëtuar një ndeshje të jashtëzakonshme sepse Partizani ka qenë shumë i frymëzuar. Ishte mirë fizikisht, e luajti me pasion ndeshjen dhe erdhi duke ngritur gjithë kohën nivelin, megjithatë vetëm një barazim. Ajo që vlen për javën është që futbolli ishte i mirë që nuk pritej në atë terren”./SHKODRA-SPORT.COM/
