Konferenca për shtyp nuk filloi atëherë kur ishte parashikuar.
Kjo sepse skuadra dhe trajneri Lëv ishin në një mbledhje, ku u bisedua për gabimet dhe pikat që duhen përmirësuar në ndeshjen ndaj Suedisë.
Këtë e konfirmoi edhe vetë Nojer që u kërkoi falje të gjithë gazetarëve që po prisnin në sallën e konferencës së hotelit.
Sipas kapitenit 32-vjeçar, kjo mbledhje ishte e rëndësishme përpara nisjes së skuadrës për në Soçi ku do të luajnë ndeshjen ndaj Suedisë.
Ishte hera e parë që kjo ndodhte në fakt, lojtarët dhe stafi gjithmonë kanë qenë në orar kur bëhej fjalë për konferenca.
Gjithsesi, intervista vazhdoi normalisht dhe Nojer u vlerësua nga të pranishmit kur kërkoi ndjesë para se të fillonte t’u përgjigjej pyetjeve të tyre.
