Skuadra shqiptare e Shkupit, që militon në elitën e futbollit në Maqedoninë e Veriut, i ka surprizuar të gjithë në merkato, teksa ka siguruar shërbimet e futbollistit të Arisit të Selanikut, Ali Adem.
Sipas “Albsport.mk”, nga sot mesfushori 20-vjeçar, do të jetë përforcimi më i ri i ekipit bardheblu. Adem shkon në “Çair” si lojtar i huazuar për pjesën e mbetur të sezonit.
Pas vetëm 6 muajsh të kaluara në kampionatin grek, ish-futbollisti i Vardarit, rikthehet në Maqedoninë e Veriut.
Mesfushori nuk u aktivizua asnjë ndeshje me ekipin verdhezi.
