Sipas asaj që raporton “La Repubblica”, lojtarët e Interit nuk kanë pranuar marrëveshjen e klubit për të hequr dorë nga paga e dy muajve të vitit të kaluar që janë të prapambetura.
Drejtuesit zikaltër i kërkuan lojtarëve të tyre t’i mirëkuptonin pasi situata ekonomik nuk shihet fort e mirë, por nuk kanë gjetur mbështetjen e futbollistëve.
Sipas gazetës italiane, ishte Bepe Marota i cili tentoi të negocionte me lojtarët për pagat e prapambetura, por e gjitha ka ngelur në kuadrin e zgjedhjes jo të detyrimit.
Tani shoqërisë zikaltër i mbetet të mbyllë marrëveshjen me investitorët amerikan të BC Partners për të marrë borxh 200 milion dollarë, të cilat do të përdorëshin për të paguar pagat e 5 muajve të parë të sezonit, kusht ky të cilin e kërkon federata për të federuar skuadrën sezonin tjetër.
