Pas Florent Hasanit, Tirana shet dhe brazilianin Kaina. Sipas “SuperSport” i cili i referohet burimeve të afërta me klubin bardheblu se 26-vjeçari do të transferohet në Korenë e largët te skuadra Chungnam Asan FC.
Ish- sulmuesi i Vllaznise, i cili në këtë edicion me Tiranen ka luajtur në 16 ndeshje dhe ka shënuar 4 gola, do të vijojë karrierën në kontinetin aziatik.
Sipas “SuperSport”, Tirana do të përfitojë nga ky operacion shifrën e 75 mijë eurove. Braziliani ka luajtur në të shkuarën dhe me Vllazninë, Kastriotin dhe Besën e Kavajës. Chungnam Asan FC e mbyllu sezonin e kaluar në vendin e 10-të në ligën e dytë të Koresë.
Tiranës do i duhet të ndërhyjë në repartin e avancuar, pasi humbet dy shënuesit më të mirë në pak javë. Florent Hasani dhe Kania së bashku kishin shënuar 14 gola, gjysmën e golave të realizuar në dy fazat e para.
