Kampionatet e moshave në futboll kanë përfunduar pak ditë më parë dhe specialitët e Zyrës Rajonale të Shkodrës kanë përcaktuar edhe sportistët më të mirë sipas grupmoshave.
Ajo që ka rënë në sy në ceremoninë e zhvilluar, ka qenë edhe një diplomë e dhënë edhe një vajzë futbolliste.
Bëhet fjalë për Klaudia Brocin, e cila është evidentuar si një lojtare shumë e talentuar ndonëse ka luajtur në të njëjtin kampionat me djemtë.
11 vjeçarja ka spikatur me paraqitjet e saj në ndeshjet e zhvilluara (deri në moshën 13 vjeçare djemtë dhe vajzat lejohen të luajnë sëbashku në një ekip) duke qenë pjesë e ekipit Shpresa.
Trajneri Ardit Mani e ka pikasur këtë vajzë në një nga shkollat e qytetit dhe nga mënyra si ajo luante, ka rënë menjëherë në sy.
Për këtë arsye, e ka angazhuar tek ekipi i futbollit Shpresa dhe ajo është vërtetë një shpresë për futbollin e femrave në Shkodër.
Një lojtare që me shumë siguri do të ketë një të ardhme shumë të mirë në këtë sport.
Gjergj KOLA
