Klubet shqiptare do të kenë mundësi të federojnë lojtarë deri në orën 24:00 të mbrëmjes së sotme.
Afati i merkatos së verës u shty disa ditë, pasi fillimisht data 31 gusht, ora 24:00, ishte parashikuar për mbylljen e sistemit të transferimeve, me klubet që duhet të depozitonin në FSHF kontratat e lojtarëve të rinj në këtë limit.
Tashmë gjithçka është “online” dhe klubet kanë akses direkt në sistemin e FIFA-s (TMS).
Duke qenë se kampionati nis më 10 shtator dhe këtë sezon do të aplikohet sistemi VAR, institucioni i futbollit shqiptar i kërkoi FIFA-s lejimin e federimeve deri më 5 shtator ora 24:00.
Disa prej klubeve kryesore në vend janë ende në pritje të afrimeve, por tashmë janë realisht në luftë me kohën për federimet.
