Ditën e djeshme u mbyll dhe java e 13-të e Kategorisë Superiore. “Panorama Sport” iu sjell një statistikë të veçantë duke bërë një krahasim të javës së 12-të të Superiores së kaluar me këtë aktuale.
Shihen ndryshime të mëdha te klubet pretendente, ku Tirana aktualisht mban kreun e klasifikimit në kuotën e 27 pikëve, sezonin e kaluar renditej në vendin e 5 në kuotën e 20 pikëve, -7 nga ky aktuali.
Kukësi i vendit të dytë ka grumbulluar 24 pikë, vitin e kaluar klasifikohej e 6-ta në me 17 pikë, -7 nga viti i kaluar. Vllaznia e vendit të tretë ka koleksionuar 23 pikë, ndërsa në sezonin e kaluar ishte në kreun e klasifikimit me 29 pikë, -6 nga vjet.
Laçi i vendit të katërt ka grumbulluar 21 pikë, ndërsa vjet skuadra kurbinase renditej e treta me 20 pikë, -1 nga sezoni i kaluar. Partizani i vendit të 5-të ka grumbulluar 18 pikë aktualisht, në sezonin e kaluar të kuqtë klasifikoheshin në vendin e dytë me 20 pikë, -2 nga vjet.
Teuta e vendit të gjashtë kanë koleksionuar 18 pikë, ndërsa vjet durrsakët renditeshin në vendin e katërt me 20 pikë, -2 nga viti i kaluar.
Skënderbeu që renditet në vendin e 8-të ka grumbulluar 11 pikë, ndërsa vjet ishin në vendin e parafundit me 10 pikë, +1 nga sezoni i kaluar. Kastrioti i vendit të fundit ka grumbulluar 8 pikë, kurse sezonin e kaluar krutanët klasifikoheshin në vendin e shtatë në kuotën e 17 pikëve, -9 nga vjet.
