Me ne fund nje lajm i mire po vjen per futbollin shkodran. Shume shpejt, atij do t’i shtohen edhe tre fusha te reja sportive, ndertimi i te cilave tashme ka nisur dhe brenda disa muajve gjithçka do te kete perfunduar.
Gazeta “Shkodra Sport” meson se behet fjale per nje investim te perbashket te shoqates “Soccer Star Academy” dhe Federates Shqiptare te Futbollit, ku secila pale do te kete 50 per qind te investimit.
Shoqata “Soccer Star Academy” e krijuar kohet e fundit ne Shkoder dhe qe ka per drejtues te saj Edi Martinin dhe Agim Canin, ka siguruar token ku do te ndertohen keto fusha dhe po ashtu edhe investime te tjera qe kane te bejne me kete ndertim, ndersa FSHF do te mundesoje shtrimin e tre fushave me bar sintetik.
Puna ka nisur prej ditesh dhe burime per gazeten bejne te ditur se fusha e pare pritet te perfundoje rreth gjysmes se muajit shtator, ndersa me pas do te vijohet edhe me dy te tjerat. Ndertimi i tyre sigurisht qe do te jete nje lajm shume i mire per futbollin shkodran qe e ka patur nje gangrene te madhe infrastrukturen sportive.
Toka ku po ndertohen keto fusha eshte ne te majte te rruges Shkoder- Koplik, pikerisht prane fushes sportive te Shtojit, ku vite me pare pat bere seancat stervitore ekipi i pare i Vllaznise./SHKODRA-SPORT.COM/
