Ndeshja Vllaznia- Partizani qe do te luhet pasditen e neserme ne oren 16:45 ne stadiumin “Loro Boriçi” eshte me e rendesishmja e javes se 12-te te Kategorise Superiore.
Por ndonese e tille, ajo nuk do te drejtohet nga asnjeri prej tre arbitrave te FIFA-s qe jane ne vendin tone. Madje nuk do te jete asnje nga arbitrat me pervoje ne futbollin shqiptar.
Burime te ndryshme bejne te ditur per “SHKODRA SPORT” se arbiter i ndeshjes neser ne Shkoder do te jete durrsaku Florian Lata. Ky eshte nje arbiter i ri por Federata Shqiptare e Futbollit e konsideron te perspektives dhe po e promovon gradualisht.
Tashme mbetet per t’u zyrtarizuar emri i ketij arbitri por edhe i asistenteve te tij si dhe i arbitrave qe do jene ne VAR. Te dy ekipet do te kerkojne fitoren ne kete perballje shume te rendesishme dhe shkodranet padyshim qe do te kerkojne drejtesi nga arbitrat sepse ne disa prej ndeshjeve te ketij sezoni, kane patur verejtje per to./SHKODRA-SPORT.COM/
