Kryendeshja e javes se 11-te te “Abissnet Superiore”, ajo ne mes Teutes dhe Vllaznise qe do te luhet sot ne ora 16.45 ne “Elbasan Arena” nuk do te drejtohet nga asnjeri prej 3 arbitrave te FIFA-s qe jane ne futbollin shqiptar.

Sektori i Arbitrimit prane Federates Shqiptare te Futbollit ia ka besuar kete ndeshje nje arbitri tjeter. “Shkodra Sport” sapo ka mesuar se arbitri i ndeshjes se sotme do te jete lushnjari Laver Alla.

Ndihmes te tij nderkohe do te jene Denis Rexha i kolegjumit te Tiranes dhe Tauland Kasa i kolegjumit te Vlores, ndersa arbiter i katert do te jete tiranasi Erjon Bastari.

Ne VAR, ashtu si dhe ne ndeshjen e kaluar te Vllaznise, ate ndaj Laçit, do te jete serish Kridens Meta, ndersa ne AVAR do te jete tiranasi tjeter Arber Zalla.

Vezhgues i arbitrave per kete ndeshje eshte caktuar Plarent Kotherja ndersa delegat i Federates Shqiptare te Futbollit do te jete Lysien Nurishmi./SHKODRA-SPORT.COM/