Barcelona po planifikon të forcojë repartin ofensiv për sezonin e ardhshëm, pasi kontrata e Robert Lewandowski-t përfundon në fund të këtij sezoni dhe largimi i tij është i sigurt. Klubi katalanas po shqyrton disa alternativa për sulmues të ri, dhe kohët e fundit emri i Erling Haaland ka rikthyer interesin e Barcelonës.
Sipas raportimeve, anëtarë të stafit të Victor Font, një nga kandidatët për president të klubit, kanë biseduar me Manchester City për mundësinë e një opsioni preferencial për blerjen e sulmuesit norvegjez. Haaland ka kontratë me kampionët e Premier League deri në vitin 2034, por në rast se largohet më herët, Barcelona mund të kishte pasur një mundësi për ta nënshkruar para rivalëve si Real Madrid.
Megjithatë, agjentja e Haaland, Rafaela Pimienta, ka mohuar që këto bisedime të kenë ndodhur, duke hedhur dyshime mbi lajmet e fundit. Megjithatë, Font ka konfirmuar se negociatat me City-n vazhdojnë: “Po negociojmë një opsion blerjeje për Erling Haaland për kur ai të dëshirojë të largohet nga Manchester City.”
Kjo deklaratë ka shkaktuar polemika të mëdha në debatet presidenciale, ku ish-presidenti Joan Laporta e akuzoi Fontin për shpifje: “Agjentja e lojtarit e ka mohuar tashmë atë që pretendon Font. Kjo gënjeshtër që ai ka shpikur është mohuar dhe ka pasur efekt të kundërt. Nuk ka sens të qeshësh me këtë.”
Haaland nuk konsiderohet prioritet për këtë verë, por nënshkrimi i tij në të ardhmen do të ishte një lëvizje ëndrrash për presidentin e ri, qofte ai Font apo Laporta. Megjithatë, duket se Barcelona nuk do të ketë avantazh ndaj klubeve të tjera që janë të gatshme të investojnë për sulmuesin 25-vjeçar, i cili pritet të qëndrojë te ‘Etihad Stadium’ për të paktën tetë sezonet e ardhshme.
Ky lajm vë në pah sfidën e madhe të Barcelonës për të mbushur boshllëkun e Lewandowski-t dhe për të synuar një emër të madh në sulm si Haaland.
