Liverpuli ka qenë padyshim skuadra lider në Angli sezonin aktual si edhe në Europë sezonin e shkuar.
Të besuarit e Klop arritën të fitonin Ligën e Kampionëve pasi e kishim humbur më parë një finale, ndërkohë që po kryesojnë kampionatin të shkëputur ndjeshëm nga vendi i dytë.
Këto suksese, i kanë sjellë skuadrës angleze përfitime të shumta financiare duke e ndihmuar në merkato.
Përfitime ka pasur edhe nga sponsori i fanellës duke qenë se në sezonet e fundit, Liverpuli është veshur nga kompania “New Balance”, teksa sezonin e ri do të ketë një ndryshim.
“New Balance” ka thyer kontratën me të kuqtë dhe në këtë mënyrë, Liverpuli ka fituar në rrugë gjyqësore të drejtën për të ndërruar firmë.
Nga sezoni i ardhshëm, Liverpuli do të vishet nga gjigandi “NIKE” dhe për këtë, do të ketë përfitime të shumta financiare. Nga 50 milionë euro që merrte në të shkuarën, “Nike” i ofron kampionëve të Europës plot 80 milionë euro. /VipSport/
