Jo vetëm për Bufon, por ndoshta kjo finale e Kupës së Italisë me Atalantën mund të jetë ndeshja e fundit edhe për një tjetër ikonë dhe veteran të Juventusit.
Xhorxho Kielini është në skadencë kontrate, por nuk kërkon të mendojë për të, përpara se të provojë ta fitojë këtë trofe:
“Nuk dua të mendoj nëse do të jetë ndeshja ime e fundit, pasi kjo më largon energji të forta që të ndez një finale kupe. Kemi edhe 180 minuta, ku përveç trofeut duam të provojmë të shkojmë edhe në Ligën e Kampioneve, të dielën në mbrëmje.
Kryesorja është që Juvja ta mbyllë duke plotësuar objektivat në fund dhe vetëm më pas se çfarë do të bëj me të ardhmen time, pasi të takoj edhe drejtuesit e Juves”.
