Çështja Negreira po i ndan gjithnjë e më shumë Real Madridin dhe Barcelonën. Joan Laporta, i është përgjigjur ashpër akuzave të homologut të tij, Florentino Perez, i cili ditët e fundit kishte përdorur gjuhë të ashpër kundër klubit katalanas. “Barcelona nuk ka blerë kurrë një gjyqtar dhe në përgjithësi nuk është e favorizuar, ndryshe nga Real Madridi gjatë gjithë jetës së tyre.
Ata e kanë favorizuar Madridin gjatë gjithë jetës së tyre. Thënë troç, në ndeshjen e fundit, Real Madridi shënoi dy gola që nuk duhej të ishin dhënë: është e qartë se Bellingham e preku topin me krahun e tij, dhe në ndeshjen tjetër, Vinicius e goditi Iñaki-n në hundë. Nëse këto dy gola nuk do të ishin dhënë, Barcelona tani do të ishte në krye të La Ligës”.
Trajneri i “Los Blancos”, Xabi Alonso, u pyet gjithashtu për komentet e Laportës në prag të ndeshjes kundër Gironas. “Jemi të vetëdijshëm për mesazhet populiste që u dërgohen tifozëve. Jemi të përqendruar në lojën tonë dhe gjëja e rëndësishme është të fitojmë në fushë, në mënyrë të merituar dhe sportive”.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
