Shpeshherë janë hequr vija paralele mes futbollit në Shqipëri dhe atij në Kosovë. Niveli ekonomik në rritje dhe buxhetet “më të shëndosha” në Kosovë, e shoqëruar me një sjellje më të përmbajtur nga presidentët e klubeve, kanë bërë që shumë trajnerë nga Shqipëria zyrtare të shkojnë në Kosovë për të dhënë eksperiencën e tyre.
Por sa të përbashkëta kanë këto dy kampionate dhe kush qëndron më lartë? Mentor Mazrekaj, lojtari i Laçit që ka qenë pjesë e Superiores prej vitesh dhe që provoi eksperiencën në Kosovë, u shpreh se Shqipëria është 10 vite përpara.
“Ekipet në Kosovë që kur dolën në Europë i ka kapur euforia që të marrin lojtarë nga Shqipëria. I njoh shumë prej tyre që vijnë nga ekipe jo të mira, hiq Cuculin dhe këta të Gjilanit. Shumica janë në përfundimin e karrierës dhe kanë gjetur ekipe që i japin shumë para. Në Shqipëri këta lojtarë nuk i marrin.
Dallon shumë futbolli mes Shqipërisë dhe Kosovës në aspektin fizik, taktik, fushat më të mira. Shqipëria është të paktën 10 vite prapa Kosovës. Ekipi më i dobët në Shqipëri rreh ekipin më të fortë në Kosovë. Këtë mendim kam nga infrastruktura dhe ritmi, arbitrimi gjithashtu”, ka thënë Mazrekaj për “Kanali 10”. /Sport Ekspres/
