Kylian Mbappe ishte i ftuari më i fundit në emisionin ‘Universo Valdano’. Intervista e shumëpritur do të jetë e disponueshme e plotë të dielën, më 12 tetor ekskluzivisht në Movistar Plus+, por platforma ka publikuar tashmë disa klipe paraprake të bisedës me yllin francez.
Në një nga ‘trailerat’, Mbappe bën një referencë me shumë respekt për kundërshtarin e tij nga Barcelona, Lamine Yamal. Përtej lëvdimit të talentit të tij në futboll, francezi thekson se e kupton që këto janë gjykime të papërshtatshme në lidhje me jetën private të lojtarit të Barçës.
Në fjalimin e tij, Kylian kërkon që për Lamine të flitet vetëm për talentin e tij në futboll dhe thekson vazhdimisht se ai është vetëm 18 vjeç.
“Është e qartë se ai ka shumë pasion për futbollin dhe kjo është e vetmja gjë që nuk mund ta humbasë. Pjesa tjetër është jeta e tij personale. Duhet ta lëmë të qetë”, ka thënë fillimisht Mbappe.
“Në futboll, ai është një lojtar i shkëlqyer, por në jetë, ai është thjesht një djalosh 18-vjeçar. Në atë moshë, të gjithë bëjnë gabime. I bën gjërat siç duhet, i bën gjërat gabim…”.
“Në fund, ai do të ketë përvojën e tij jetësore. Ai do të dijë se çfarë është e mirë për të, dhe në fund, thjesht duhet të shikosh se çfarë bën në fushë”.
“Ajo që bën jashtë fushës nuk është e rëndësishme, nëse nuk është serioze. Ai ka talent të madh dhe do të ndjekë rrugën që dëshiron. I uroj fat të mbarë”, përfundoi ylli i Real Madridit. /Telegrafi/
